ڏوڪري ڀرسان ٻلهڙيجي ۾ ٽيون انور پيرزادو ميلو اڄ ٿيندو

صحافي، اديب ۽ ڀٽائي جي عاشق انور پيرزادو جي ياد ۾ هڪ ڏينهن وارو ميلو ٿيندو

ڏوڪري (رپورٽر) ڏوڪري ڀرسان ٻلهڙيجي ۾ اڄ ڇنڇر ڏينهن نالي واري صحافي، اديب ۽ ڀٽائي جي عاشق انور پيرزادو جي ياد ۾ هڪ ڏينهن جو ٽيون انور پيرزادو ميلو ٿيندو، جنهن ۾ ناليوارا اديب، شاعر ۽ سندس پونيئر ، انور پيرزادي پاران سنڌ، سنڌي ماڻهن لاءِ ڪيل ڪم ۽ ڀٽائي کي نئين ۽ منفرد انداز ۾ پيش ڪرڻ توڙي سندس لکڻين تي تفصيلي روشني وجهندا، انور پيرزادو ميلو جو پروگرام انور جي مختلف پهلوئن ۾ ترتيب ڏنو ويو آهي، جنهن ۾ انور پيرزادو بابت ڪالهہ ۽ اڄ جا نوجوان ڇا ٿا سوچن؟ عورتن جي تعليم ۽ سُجاڳي ۾ انور پيرزادو جو ڪردار، اي چنڊ ڀٽائي کي چئجان، اڄ ۽ سڀاڻي جي سنڌ، اياز گل ۽ شاعره روبينا ابڙو جي شاعري، وُسعت الله خان ۽ جامي چانڊيو جي ڳالهہ ٻولهہ، منهنجو ڏک، پرويز پيرزادو جي ياد ۾ مشاعرو ۽ رات جو راڳ رنگ جي محفل ٿيندي، جنهن ۾ صوفي راڳي رجب فقير ۽ ٻيا سُر وکيريندا.