سنڌ زرعي يونيورسٽي جو ڊپٽي ڊائريڪٽر يونيورسٽي ايڊوانسمينٽ اينڊ ۽ فنانشل اسسٽنس سيد نعمان علي شاھ لاڏاڻو ڪري ويو

ٽنڊوڄام: سنڌ زرعي يونيورسٽي جو ڊپٽي ڊائريڪٽر يونيورسٽي ايڊوانسمينٽ اينڊ ۽ فنانشل اسسٽنس لاڏاڻو ڪريو ويو، وائيس چانسلر، رجسٽرار ۽ ٻين پاران تعزيت جو اظھار، خبر موجب سنڌ زرعي يونيورسٽي ٽنڊي ڄام جي يونيورسٽي ايڊوانسمينٽ ايڊ فنانشل اسسٽنس جو ڊپٽي ڊائريڪٽر سيد نعمان علي شاھ ڪجھ وقتي بيمار رھڻ بعد لاڏاڻو ڪري ويو، جنھن جي جنازي نماز لطيف آباد حيدرآباد ۾ ادا ڪئي وئي ۽ کيس لطيف آباد ۾ مٽيءَ ماءُ حوالي ڪيو ويو، سندس جنازي نماز ۾ رجسٽرار غلام محي الدين قريشي، ڊائريڪٽر ايڇ آر قربان علي لاکير، پبلڪ رليشنز آفيسر گل شير لوچي، ڊاڪٽر فرمان چانڊيو، ڊاڪٽر عرفان شيخ، ڊاڪٽر اسد اللہ سرڪي، انجنئير ظھير احمد خان، ڊاڪٽر فيصل انصاري، نصرت حسين چانڊيو، عبدالقادر چانڊيو، غلام مرتضيٰ چانڊيو، ظفر ڀٽو، سجاد علي ڪيريو سميت سنڌ زرعي يونيورسٽي جي استادن، آفيسرن ۽ ملازمن شرڪت ڪئي، ان موقعي تي جاري ڪيل پڌرائي موجب وائيس چانسلر ڊاڪٽر الطاف علي سيال سيد نعمان علي شاھ جي انتقال تي گھري ڏک جو اظھار ڪندي چيو آھي تہ سيد نعمان شاھ ھڪ قابل ۽ محنتي آفيسر ھو، ھن نوڪري دوران يونيورسٽي جي شاگردن جي اسڪالرشپس ۽ ٻين سھڪاري منصوبن تي ذميداري سان پنھنجون خدمتون ڏنيون، سندس انتقال تي يونيورسٽي جي استادن، آفيسرن ۽ ملازمن کي گھرو ڏک رسيو آھي، اسان سندس ڪٽنب سان ڏک ۾ برابر جا شريڪ آھيون ۽ سندس مغفرت لاءِ دعاگو آھيون