شڪارپور جي پورهيت جو موروثي زمين تي مبينا قبضي ۽ حملن خلاف احتجاج

منصور ڀٽي، اعظم ڀٽي، غلام شبير ڀٽي ۽ نور محمد زبردستي سندس زمين تي قبضي جون ڪوششون ڪري رهيا آهن: الزام

ملير (رپورٽ: عبدالرشيد مورجھريو) شڪارپور واسي پورهيت قاري محمد الياس ڀٽي پنهنجي موروثي سروي زمين تي قبضي جي ڪوششن ۽ مبينا جاني حملن خلاف عوامي پريس ڪلب ملير ۾ پريس ڪانفرنس ڪندي چيو ته هو تعلقي خان پور جي يوسف ڀٽي ڳوٺ جو رهواسي آهي ۽ خان پور تعلقي ۾ سندس 7 ايڪڙ موروثي سروي زمين آهي، جيڪا سندس خاندان نسلن کان آباد ڪندو پيو اچي زمين جا قانوني ڪاغذ ۽ دستاويز سندس والد سوڍو خان ڀٽي جي نالي تي موجود آهن قاري محمد الياس ڀٽي الزام هنيو ته باوجود قانوني مالڪي جي، بااثر ماڻهون منصور ڀٽي، اعظم ڀٽي، غلام شبير ڀٽي ۽ نور محمد زبردستي سندس زمين تي قبضي جون ڪوششون ڪري رهيا آهن ۽ کين پنهنجي ذاتي زمين آباد ڪرڻ کان روڪيو پيو وڃي، جيڪا سندن ٻچن جي گذر سفر جو واحد ذريعو آهي هن چيو ته هن معاملي بابت حد جي پوليس اسٽيشن رحيم آباد، ايس ايس پي شڪارپور، آءِ جي سنڌ، وزيراعليٰ سنڌ ۽ گورنر سنڌ کي لکت ۾ درخواستون ڏنيون آھن جنهن کان پوءِ بااثر مڇرجي پيا ۽ ڪراچي عبدالله ڳوٺ ۾ موجود منھنجي دڪان تي مبينا حملو ڪري پٽ کي سخت زخمي ڪري وڌو واقعي جي ايف آءِ آر به داخل ڪرائي پر پوليس ڄاڻايل بااثرن خلاف ڪابہ ڪاروائي نہ ڪئي قاري محمد الياس ڀٽي وڌيڪ چيو ته تازو ڳوٺ ۾ سندس پٽ تي ٻيهر قاتلاڻو حملو ڪيو ويو آھي هن الزام هنيو ته بااثر قبضاگير کيس ڪٽنب سميت قتل ڪري زمين تي قبضو ڪرڻ چاهين ٿا ھن وزيراعليٰ سنڌ، آءِ جي سنڌ، ڊي جي رينجرز، ايس ايس پي شڪارپور ۽ ٻين وس وارن اختيارين کان اپيل ڪئي ته سندس ڪٽنب کي جاني تحفظ فراهم ڪيو وڃي ۽ موروثي سروي زمين تي قبضي جي ڪوشش ڪندڙ ۽ موتمار ڌمڪيون ڏيندڙ بااثر ماڻهن خلاف قانوني ڪارروائي ڪري انصاف فراهم ڪيو وڃي.