نوشهروفيروز ۾ پڊعيدن واسڻ ناري جو احتجاج، مڙس تي تشدد جا الزام

سلمان راجپوت سان 25 سال اڳ شادي ٿي هئي،مڙس پنهنجي مائٽن جي چوڻ تي تشدد ڪندو رهندو آهي : زرينا راجپوت

نوشهروفيروز (ڊ ر) نوشهروفيروز ۾ پڊعيدن جي انصاري محلا واسڻ زرينا راجپوت جو مڙس سلمان راجپوت ۽ ساهرن جي ظلمن خلاف پريس ڪلب آڏو احتجاج ان موقعي تي ميڊيا اڳيان عورت زرينا راجپوت دانهيندي چيو ته سلمان راجپوت سان 25 سال اڳ شادي ٿي جيڪو ان ٽائيم کان وٺي تشدد جو نشانو بڻائيندو رهيو آهي جنهن مان هڪ پٽ ۽ هڪ نياڻيءَ جو اولاد آهي زندگيءَ جا 25 سال سندس عتاب هيٺ گذاريا آهن هن چيو ته مڙس پنهنجي مائٽن جي چوڻ تي بنا ڪنهن جواز جي مختلف بهانا ڪري تشدد ڪري بي حال بڻائي ڇڏيندو آهي جنهن جي هاڻي سهپ ناهي رهي ظلم ايترو ٿيو آهي جو خودڪشي ڪرڻ تي مجبور ٿي وئي آهيان هن سيشن جج ۽ ايس ايس پي نوشھروفيروز کان مطالبو ڪيو ته ظالم مڙس ۽ ساهرن خلاف قدم کڻي تحفظ فراهم ڪري جان آجي ڪرائي وڃي