ملير: صحافي سيد سجاد علي شاھ جي موٽر سائيڪل چوري جو ايس ايس پي نوٽيس وٺي ڇڏيو

101 views | 11th Jan 2026 • سنڌي خبرون

ملير: صحافي سيد سجاد علي شاھ جي موٽر سائيڪل چوري جو ايس ايس پي نوٽيس وٺي ڇڏيو

ملير (رپورٽ: عبدالرشيد مورجھريو) عوامي پريس ڪلب ملير جي ميمبر، اڳوڻي جنرل سيڪريٽري سينيئر صحافي سيد سجاد علي شاھ جي موٽر سائيڪل 4 ڏينهن اڳ عبدالله ڳوٺ جي بچت بازار ٻاهران چوري ٿي وئي آهي جنهن جو ڪيترائي ڏينهن گذري وڃڻ باوجود ڪو ڏس پتو نه پئجي سگهيو آهي ان سلسلي ۾ ڪالهه ايس ايس پي ملير خالق پيرزادو معاملي جو نوٽيس وٺندي پريس ڪلب انتظاميا سان رابطو ڪيو ۽ کين چوري ٿيل موٽر سائيڪل موٽرائڻ جي خاطري ڪرائي جنهن بعد عوامي پريس ڪلب ملير جي عهديدارن جو هنگامي اجلاس ٿيو جنهن ۾ رٿيل احتجاجي ريلي کي عارضي طور ملتوي ڪيو ويو ان موقعي تي صحافين چيو ته ملير ۾ بدامني جو راڄ آهي عام ماڻهن سميت صحافي به غير محفوظ آهن صحافي سجاد علي شاھ جي موٽر سائيڪل کي چوري ٿيندي 4 ڏينهن گذري ويا آهن پر پوليس ڪک ڇني ٻيڻو نه ڪيو آهي هنن چيو ته ميڊيا جي سخت ڌٻاءُ بعد ايس ايس پي ملير خالق پيرزادو رابطو ڪري موٽر سائيڪل موٽرائڻ جي خاطري ڪرائي آهي جنهن بعد احتجاجي ريلي جو فيصلو واپس ورتو ويو آهي صحافين چتاءُ ڏنو ته جيڪڏهن ايس ايس پي جي خاطري بعد به صحافي سجاد علي شاھ جي موٽر سائيڪل واپس نه ڪرائي وئي ته ڀرپور احتجاجي تحريڪ جو اعلان ڪيو ويندو.