ملير: گلشن معمار ٿاڻي جي حد ۾ قتل ٿيل اصغر مري جا قاتل گرفتار نه ٿيا

ڳوٺ بابو پاتڻي واسي اصغر مري جي ٽيجهي ۾ مختلف سياسي سماجي اڳواڻن جي به شرڪت

ملير(رپورٽ: عبدالرشيد مورجھريو) گلشن معمار ٿاڻي جي حد ۾ ڌاڙيلن ھٿان قتل ٿيل بابو پاتڻي ڳوٺ جي نوجوان اصغر علي مري جا قاتل 4 چار ڏينهن گذرڻ باوجود ظاهر نه ٿي سگھيا ، پوليس ڪک ڀڃي ٻيڻو نه ڪيو، نوجوانن جا وارث پريشان، نوجوان جي گھرن ۾ قھرام متل، تفصيل موجب گلشن معمار ٿاڻي جي حد بابو پاتڻي ڳوٺ جي نوجوان کي 4 ڏينهن اڳ ڏينهن ڏٺي جو ڦورو ٽولي ڦر ڪندي مزاحمت گوليون ھڻي قتل ڪري ڇڏيو ، گلشن معمار ٿاڻي جي حد پوليس اڃا تائين قاتل گرفتار نه ڪري سگهي ،شھيد نوجوان جي ٽيجھي تي سندس والد حاجي بجار خان مري، حاجي منشي مري، ڳوٺ جي چڱي مڙس اصغر پاتڻي، سنڌ يونائيٽيڊ پارٽي جي اڳوڻي ڊويزن صدر ڊاڪٽر علي نواز گبول ۽ ٻين صحافين سان ڳالهائيندي چيو ته ڪراچي جي ٻھراڙي واري پرامن ڳوٺ ۾ ڌاريا اچي ڏوھ ڪري ھليا وڃن ٿا، انھن چيو ته اسان جي نوجوان جا قاتل افغاني پٺاڻ لڳي رھيا ھئا، انھن چيو ته اسان جي نوجوان کي سري عام ڏينهن ڏٺي جو گوليون ھڻي قتل ڪري ھليا ويا، انھن چيو ته اسان آئي جي سنڌ، ڊي جي رينجرس، ايس ايس پي اولھ کان مطالبو ڪيون ٿا ته نوجوان جي قاتلن کي گرفتار ڪري سخت سزا ڏني وڃي ٻئي صورت ۾ سخت احتجاج ڪيو ويندو ،