سجاول پوليس پاران 4 ڦورن کي زخمي حالت ۾ گرفتار ڪرڻ جي دعويٰ

131 views | 17th Dec 2025 • سنڌي خبرون

گرفتار ٿيلن ۾ اڪرم کڏو، لکاڏنو کڏو، اقبال ڪنڊراهه ۽ دلبر ڪنڊراهه شامل آهن

سجاول پوليس پاران 4 ڦورن کي زخمي حالت ۾ گرفتار ڪرڻ جي دعويٰ

سجاول (رپورٽر)سجاول پوليس جو ڏوهارين خلاف چُوڪو، 24 ڪلاڪن ۾ چار ڦورو زخمي حالت ۾ گرفتار،زخمي حالت ۾ گرفتار ڪيل ڦوروئن جي سڃاڻپ اڪرم کڏو ، لکاڏنو کڏو، اقبال ڪنڊراھ، دلبر ڪنڊراھ طور ڪئي ويئي آهي.ايس ايس سجاول علينا راڄپر جي ھدايتن تي سجاول پوليس جون ڏوهن ۽ وارداتن تي ظابطو آڻڻ لاء ڏوھارين خلاف ڪاروايون. رات دير سان چوهڙجمالي پوليس اسٽيشن جي حد ۾ باء پاس چوهڙجمالي لڳ مبينا پوليس مقابلي دوران ھڪ ڏوھاري اڪرم کڏو ساٿين جي فائرنگ ۾ زخمي حالت ۾ گرفتار ڪيو ويو آهي:چوهڙجمالي روڊ تي ڏوھ جي ارادي سان بيٺل جوابدارن جي پوليس پارٽي تي فائرنگ دوران پوليس جي جوابي فائرنگ ۾ ھڪ جوابدار کي زخمي حالت ۾ گرفتار ڪيو ويو جنھن جي شناخت بدنام ڏوھاري اڪرم کڏو جي نالي سان ڪئي وئي آهي جنھن جي قبضي مان هڪ عدد پستول برآمد ڪيو ويو ۽ سندس ساٿي فرار ٿي ويا: جڏهن ته رات دير سان سجاول - بدين روڊ تي هڪ وڌيڪ ڏوهاري لکاڏنو عرف پوڙھو کڏو جيڪو ڦر جي ڪيسن ۾ اشھاري ۽ ٻه ڏينهن اڳ بيلي جي حد ۾ ٿيل ڦر ۽ فائرنگ جي واقعي ۾ ملوث هو، پوليس مقابلي دوران ساٿين جي فائرنگ ۾ زخمي ٿيڻ کان پوءِ گرفتار ڪيو ويو آهي جنهن کان هٿيار پڻ برآمد ڪيا ويا. جڏهن ته سجاول پوليس پاران سجاول - ٻيلو روڊ تي مبينا پوليس مقابلي دوران هڪ ڏوهاري اقبال ڪنڊراھ کي پڻ زخمي حالت ۾ گرفتار ڪيو ويو آهي.جھوڪ شريف پوليس اسٽيشن جي حد ۾ مبينا پوليس مقابلي دوران هڪ ڏوهاري دلبر ڪنڊراھ کي گرفتار ڪري وٽانس هٿيار پڻ برآمد ڪيا ويا آهن. زخمي حالت ۾ گرفتار ڪيل چئني ڏوهارين جو تعلق سجاول ضلع جي تعلقي ميرپور بٺورو سان آهي جيڪي چوري، ڦر سميت ڪيترين ئي ڏوهي وارداتن ۾ ايڪٽو ڪرمنل ڏوهاري هيا زخمي حالت ۾ گرفتار ٿيل ڦوروئن کي علاج لاء سجاول ، ٺٽو ۽ چوهڙجمالي جي اسپتالن ۾ آندو ويو.