ڏوڪري: ڳوٺ موسو ميتلو ۾ سائين رکيل شاھ صوفي القادري جي ورسي ملهائي وئي

سنڌ ۽ بلوچستان جي عقيدتمندن وڏي انگ ۾ شرڪت ڪئي، صوفياڻي راڳ جي محفل منعقد

ڏوڪري (رپورٽر) ڏوڪري ڀرسان صوفي هائوس ڳوٺ موسو ميتلو ۾ سائين رکيل شاھ صوفي القادري جي سالياني اٺين ورسي نهايت عقيدي ۽ احترام سان ملهائي وئي، سنڌ ۽ بلوچستان جي عقيدتمندن وڏي انگ ۾ شرڪت ڪئي، صوفياڻي راڳ جي محفل منعقد. تفصيل موجب گذريل رات ڏوڪري لڳ ڳوٺ موسو ميتلو ۾ صوفي سرائي بدرالدين ميتلو، قمرالدين ميتلو پاران درگاھ فتح پور بلوچستان جي سائين رکيل شاھ جي اٺين ورسي نهايت عقيدت ۽ احترام سان ملهائي وئي، ورسي تقريب ۾ صوفي فقيرن سهڻو فقير، صوفي سڄڻ، امان اللہ شيخ، امان اللہ مائري سميت ٻين صوفين صوفي سنگ ڳائي محفل ۾ وجد طاري ڪري ڇڏيو، محفل ۾ شريڪ موجوده سجاده نشين صوفي سائين سرفراز شاہ، صوفي سيد ڪامل علي شاھ القادري درگاھ فتح پور شريف جن ورسي تقريب کي خطاب ڪندي چيو ته صوفين جي محفلن ۾ هميشه امن، پيار ۽ محبت جو درس ملندو آهي، سنڌ صوفين جي ڌرتي آهي، اڄوڪي هن پنهنجي مرشد جي اٺين ورسي جي موقعي تي هتي آيل علائقي واسين توڙي سنڌ ۽ بلوچستان سميت سموري پاڪستان کان آيلن جا تمام گهڻا ٿورائتا آهيون، جڏھن ته هن تقريب ۾ پ پ ايم پي اي عادل الطاف حسين انڙ، پ پ پ اڳواڻ طارق انور سيال، ٽائون ڪاميٽي ڏوڪري جي چيئرمين عبدالحميد جيسر، يوسي چيئرمين مظفر چانڊيو، چيئرمين سرائي منظور منڱڻ، چيئرمين مير شڪيل مينگل، سخي غلام سرور جوڻيجو، محمد حسن پيرزادو، ڏوڪري پريس ڪلب جي صدر فدا حسین ابڙو، قاضي آفتاب احمد، علي اصغر ميمڻ، قاضي سلطان جميل احمد سميت ٻين وڏي انگ ۾ شرڪت ڪئي.