نوشهروفيروز ۾ ناري جو ايس ايڇ او خلاف احتجاج، رشوت نه ڏيڻ تي مڙس خلاف ڪوڙو ڪيس داخل ڪرڻ جو الزام

262 views | 22nd Dec 2025 • سنڌي خبرون

نوشهروفيروز ۾ ناري جو ايس ايڇ او خلاف احتجاج، رشوت نه ڏيڻ تي مڙس خلاف ڪوڙو ڪيس داخل ڪرڻ جو الزام

نوشهروفيروز (ڊ ر)نوشهروفيروز جي تڳر روڊ جي رهواسڻ عورت عظما ڪلو جو ايس ايڇ او راجا نويد سرفراز جي مبينا ظلمن خلاف پريس ڪلب آڏو احتجاج ڪيو ان موقعي تي ميڊيا اڳيان دانهيندي عورت چيو ته منهنجو مڙس قربان ميمڻ بٺي تي مزدوري ڪري پنهنجو ۽ اسان جو پيٽ گذر ڪندو آهي جنهن 20 ڏينهن اڳ پوليس گهران کنڀي وئي ۽ مون کان سندس هائيء جي لاءِ ايس ايڇ او 30 هزار روپيا گهريا نه ڏيڻ منهنجي مڙس تي ڪوڙو ڪيس داخل ڪري ڇڏيو آهي هن چيو ته پوليس تي فائرنگ ڪرڻ جو ڪوڙو ڪيس داخل ڪري منهنجي مڙس قربان ميمڻ کي بيگناهه جيل موڪلي ڇڏيو جيڪا وڏي زيادتي آهي صرف پئسا نه ڏيڻ جي ڪري ايس ايڇ او نوشهروفيروز راجا نويد سرفراز ظلم ڪيو آهي غريب آهيون ڪيس کي منهن ڏيڻ لاءِ به پئسا نه آهن هن سيشن جج ۽ ايس ايس پي نوشھروفيروز کان معاملي جي جاچ ڪرائي ڪوڙو ڪيس ختم ڪرڻ جي اپيل ڪئي آهي