نوشهروفيروز ۾ انتهاپسندي جي خاتمي ۽ غير قانوني سرگرمين جي روڪٿام لاءِ اجلاس

ايڊيشنل ڊپٽي ڪمشنر ون صدام ميمڻ جي صدارت ۾ اجلاس ، مختلف کاتن جي آفيسرن جي شرڪت

نوشهرو فيروز (ڊ ر) انتهاپسندي جي خاتمي ۽ غير قانوني سرگرمين جي روڪٿام لاءِ قائم ڪيل ضلعي ڪوآرڊينيشن ڪميٽي جي گڏجاڻي اڄ ايڊيشنل ڊپٽي ڪمشنر ون صدام حسين ميمڻ جي صدارت هيٺ ڊپٽي ڪمشنر آفيس نوشهرو فيروز ۾ منعقد ڪئي وئي. اجلاس ۾ پوليس، ايڪسائيز اينڊ ٽيڪسيشن ، ايجوڪيشن ، انفارميشن ، ايگزيڪيوٽو انجنيئر سيپڪو نوشهرو فيروز ، ليبر ، سوشل ويلفيئر آفيسر، چائلڊ پروٽيڪشن ڊپارٽمينٽ ، انسپيڪٽر پاڪستان ڪسٽمز ، چائلڊ پروٽيڪشن آفيسر ۽ ضلعي ۾ امن و امان برقرار رکڻ وارن مختلف ادارن جي اهلڪارن ۽ ٻين لاڳاپيل آفيسرن شرڪت ڪئي. اجلاس کي خطاب ڪندي ايڊيشنل ڊپٽي ڪمشنر ون صدام حسين چيو ته ڪميٽي جي سڀني ميمبرن کي ضلعي ۾ امن و امان کي برقرار رکڻ ، غير قانوني سرگرمين کي روڪڻ ۽ ضلعي ۾ انتهاپسندي کي ختم ڪرڻ لاءِ پنهنجو ڀرپور ڪردار ادا ڪرڻ گهرجي. هن چيو ته ضلعي ۾ قائم غير قانوني پيٽرول پمپن خلاف قانوني ڪارروائي ڪئي وڃي ۽ ڪسٽم ڊپارٽمينٽ ضبط ٿيل پيٽروليم شين جو قانوني طريقي سان انتظام ڪري. هن چيو ته تعليم کاتي جي آفيسرن کي چيو تہ اھي انتها پسندي جي خاتمي لاءِ مختلف تعليمي ادارن ۾ سيرت النبي صلي الله عليه وسلم ڪانفرنسون منعقد ڪرڻ گهرجن ۽ اهڙن مقررن کي دعوت ڏيڻ گهرجي جيڪي قومي ترقي ۽ حب الوطني کي اجاگر ڪن ۽ انتها پسندي جي خلاف پنهنجا خطبا ڏين. هن چيو ته انتها پسندي جي خاتمي لاءِ مختلف راندين جا مقابلا منعقد ڪرڻ گهرجن . هن چيو ته ضلعي ۾ ڪم ڪندڙ صحافي، سوشل ميڊيا ڪارڪن ۽ ليکڪ مذهبي، قومي ۽ فرقيوارانه انتها پسندي جي خاتمي لاءِ پنهنجي قلم ذريعي پنهنجو ڪردار ادا ڪن. هن چيو ته ضلعي ۾ ڪم ڪندڙ ڪيبل آپريٽر انتها پسندي وارو مواد نشر ڪرڻ کان پاسو ڪن. هن چيو ته سڀني تعلقن جي اسسٽنٽ ڪمشنرن کي پنهنجن علائقن ۾ غير قانوني سرگرمين ۽ انتها پسندي کي روڪڻ لاءِ قدم کڻڻ گهرجن. هن چيو ته ضلعي ۾ جعلي ۽ غير معياري شين ۽ اسمگل ٿيل شين کي روڪڻ لاءِ قدم کڻڻ گهرجن. هن چيو ته ضلعي ۾ غير قانوني سرگرمين ۾ ملوث ماڻهن خلاف سخت قانوني ڪارروائي ڪئي ويندي. هن چيو ته ملڪ کي مثبت ۽ قانوني سرگرمين کي فروغ ڏيڻ جي ضرورت آهي. هن چيو ته ملڪ ۽ قوم کي حب الوطني جي جذبي کي بهتر بڻائڻ جي ضرورت آهي.