ٽنڊو آدم پريس ڪلب جون سال 2026ع لاءِ چونڊون، رانا مختار صدر ۽ عاشق حسين ساند جنرل سيڪريٽري چونڊجي ويا

370 views | 29th Dec 2025 • سنڌي خبرون

ٽنڊو آدم پريس ڪلب جون سال 2026ع لاءِ چونڊون، رانا مختار صدر ۽ عاشق حسين ساند جنرل سيڪريٽري چونڊجي ويا

سانگھڙ (حسنين عاشق ساند) ٽنڊو آدم پريس ڪلب جي سال 2026ع لاءِ عھديدارن جي چونڊ لاء جنرل باڊي اجلاس چيئرمين اليڪشن ڪاميٽي وسيم احمد فاروقي ۽ ڪاميٽي ميمبرن امداد راهي ۽ عمر فاروق قريشي جي نگراني ھيٺ منعقد ڪيو ويو جنھن ۾ متفقه طور تي رانا مختار کي صدر ۽ عاشق حسين ساند کي جنرل سيڪريٽري چونڊيو ويو. اجلاس ۾ نائب صدر لاءِ رازق ڏنو ميريپوٽو، جوائنٽ سيڪريٽري لاء ملڪ احسان غوري، خزانچي لاءِ محمد سليمان ساند ۽ منور علي قريشي آفيس سيڪريٽري طور چونڊيا ويا. جڏهن ته گورننگ باڊي جي ميمبرن طور وسيم فاروقي، امداد راھي، عمر فاروق قريشي ۽ جاويد مصطفىٰ کي چونڊيو ويو. گورننگ باڊي اجلاس دوران ميمبرن نون چونڊيل عهديدارن کي مبارڪون ڏنيون ۽ اميد ظاهر ڪئي ته نئين انتظاميه پريس ڪلب جي بهتري، صحافين جي حقن جي تحفظ ۽ پيشورانه ذميوارين جي ادائيگي لاءِ ڀرپور ڪردار ادا ڪندي.