سجاول سول اسپتال جي رينڊر سروس ملازمن جو رهيل پگهارن لاءِ احتجاج

ملازمن پاران ايڊمنسٽريٽو بلاڪ اڳيان احتجاجي مظاهرو ڪيو ويو، نوٽيس وٺڻ جو مطالبو

سجاول (رپورٽر) سول اسپتال سجاول جي رينڊر سروس ملازمن جون رهيل پگهارون جاري نه ٿيڻ خلاف ايڊمنسٽريٽو بلاڪ اڳيان احتجاجي ڌرڻو جاري آهي۔ مظاهرين موجب گذريل ست مهينن کان کين پگهارون ناهن مليون، جنهن سبب هو ڦاڪاڪشي واري زندگي گذارڻ تي مجبور آهن۔ ان موقعي تي ملازمن اي سي سجاول محمد ڪميل ۽ ایم ایس سجاول ڊاڪٽر انور ميڻ سان ڳالهائيندي چيو ته جيستائين پگهارون جاري ناهن ڪيون وينديون، احتجاج ختم نه ڪيو ويندو۔ ايم ايس سجاول جو چوڻ ھو ته اسان ڪوشيش ڪري ته ھفتي اندر رينذر سروس ملازمن جي پگھار جو مسئلو اعلي اختيارن کان حل ڪرائي ڏينداسين جڏهن ته احتجاج ڪندڙ ملازمن چيو ته احتجاج جاري رھندو احتجاج ڪندڙن ملازمن ۾ زمان لغاري , حيدر شاھ , صالح رند , آفاق عمراڻي , بلاول ٻارڻ ۽ ٻيا ڪيترائي ملازم احتجاج ڪندي اعليٰ اختيارين کان مطالبو ڪيو ته فوري طور تي نوٽيس وٺي پگھار جاري ڪيا وڃن ٻئي صورت ۾ احتجاج جو ڌائرو وسيع ڪيو ويندو ـ