ڏوڪري جي شاهين پبلڪ اسڪول ۾ والدين جو ڏهاڙو ملهايو ويو، تقريب منعقد

تقريب ۾ پ پ اڳواڻ علي ڏنو خان گاڏهي، اسٽنٽ ڪمشنر فرزانہ ميراڻي، سراج سوهو، صحافي نثار کوکر ۽ ٻيا شريڪ

ڏوڪري(اطهر ميمڻ) ڏوڪري ۾ شاهين پبلڪ اسڪول پاران سومرا شادي ھال ۾ والدين جي ڏهاڙي جي حوالي سان تقريب ڪوٺائي وئي آهي تقريب ۾ پ پ تعلقي جنرل سيڪريٽري علي ڏنو خان گاڏهي، اسٽنٽ ڪمشنر ڏوڪري فرزانہ ميراڻي، پ پ ضلعي اڳواڻ سراج احمد سوهو، ٽي اي او غلام مصطفي کوکر، اڳوڻي ٽي اي او محمد عثمان کوکر، متحرڪ صحافي نثار احمد کوکر، صحافي فدا حسين ابڙو، قاضي فريد، اطهر ميمڻ، عبدالجبار ميمڻ، غلام مصطفي جهتيال، ربنواز کوسو، امتياز ڪولاچي، پروفيسر گلاب سومرو، پروفيسر چندر لعل اوڏ، وڏيرو شمن خان جوڻيجو، شهمير علي ميراڻي، علي بخش ميتلو، محمد اقبال جعفري، مشتاق احمد جوڻيجو، صابر جروار، حبيب ﷲ عالماڻي، نثار جتوئي، صداقت جوڻيجو ۽ ٻين شرڪت ڪئي ان موقعي تي تقريب کي شاهين پبلڪ اسڪول جي ڊائريڪٽر ضمير حسين ميراڻي، اسٽنٽ ڪمشنر ڏوڪري فرزانہ ميراڻي، ٽي اي او غلام مصطفي کوکر، صحافي نثار کوکر، سراج احمد سوهو ۽ ٻين خطاب ڪندي چيو ته شاهين پبلڪ اسڪول جا استاد ۽ شاگرد تعليم تي بهترين محنت ڪري رهيا آهن، شاگردن توڙي شاگردياڻين بهتر کان بهتر تعليم حاصل ڪري رهيا آهن. هنن چيو ته والدين جو ڏهاڙو ملهائڻ بهترين روايت آهي ۽ اها روايت سرڪاري اسڪولن ۾ به ملهائڻ گهرجي. هنن چيو ته والدين کي به گهرجي ته اسڪولن ۾ وڃي پنهنجي ٻارڙن جي ڪارڪردگي بابت معلومات وٺن ته جئين استاد ٻارن تي وڌيڪ محنت ڪندو ۽ ٻار به سٺي نموني تعليم حاصل ڪندو، تقريب ۾ شاهين پبلڪ اسڪول جي شاگردن ۾ سوال جواب جا مقابلا، شاگردن پاران ٽيبلوز، قومي گيتن تي رقص ڪيو، آخري ۾ بهترين پوزيشن کڻندڙ شاگردن ۾ انعام ورهايا ويا