سنڌي ادبي سنگت ھميشه سنڌي ٻولي ۽ سنڌ جي حقن لاءِ جدوجهد ڪئي آهي: راشد لکمير

ساس جي مرڪزي چونڊن ۾ ڪراچي جي سمورين شاخن شرڪت کانپوءِ واپسي وقت گاڏي ۾ "سفري مشاعري" جو اھتمام ڪيو

ڪراچي (رپورٽر) سنڌي ادبي سنگت سنڌ جي مرڪزي چونڊن ۾ س ا س ڪراچي جي سمورين شاخن شرڪت ڪئي ۽ واپسي وقت گاڏي ۾ "سفري مشاعري" جو اھتمام ڪيو ويو جنهن جي صدارت نئين چونڊيل ڪراچي جي رابطا سيڪريٽري راشد لکمير ڪئي ۽ خاص مھمان سنڌي ادبي سنگت سکر جو بنامقابلي چونڊيل رابطاسيڪريٽري ارشاد پيرزادو ھو مشاعري جي ڪارروائي وحيد محسن ھلائي ۽ ڪاميابي تي چونڊيل رابطا سيڪريٽرين کي واڌايون پڻ ڏنيون ويون چونڊيل رابطا سيڪريٽرين چيو ته سنڌي ادبي سنگت ھميشه سنڌي ٻولي ۽ سنڌجي حقن لاء جدوجهد ڪئي آهي ووٽر لسٽن جي سنڌي ۾ ڇپائي ٻٽو نظام سنڌ جي ٻيٽن جي نيلامي کان ڪالاباغ ڊيم، سنڌو تي ڪينال ٺاهڻ يا ڪاروپوريٽ فارمنگ ذريعي سنڌ جي زمينن جي مٺ ڀڳڙن تي نيلامي ھجي سنگت جي پليٽ فارم تان قلمڪارن پاڻ ملھايو آهي سنگت جي مرڪز سميت شاخن جو محور فقط سنڌ ۽ سنڌي ماڻهن سان ويساھ گھاتين خلاف سنگت کي مضبوط مورچي طور استعمال ڪرڻ جي ضرورت آهي جڏ جڏهن ته "سفري مشاعري" ۾ اصغر باغي، نثار نازرڪ، غلام شبير لاکو، رياض مھدي، اسلم ٻڌ، پير محبوب، قمبر ٻٽ، مجيب سنڌي، آتش پنھيار، نھال واڌواڻي، عاصم عبدالمجيد ابڙو، اصغر مھرائي، عادل قريشي شامل ھئا.