پاکستان غزہ میں امن کے لیے کردار ادا کرے گا، حماس کو ہتھیار ڈالنے پر مجبور کرنے میں شامل نہیں ہوں گے: ترجمان دفتر خارجہ

اسلام آباد (ویب ڈیسک) — دفتر خارجہ کے ترجمان نے کہا ہے کہ پاکستان غزہ میں امن کے قیام کے لیے اپنا کردار ادا کرے گا تاہم حماس کو ہتھیار ڈالنے پر مجبور کرنے کے کسی عمل کا حصہ نہیں بنے گا۔ہفتہ وار بریفنگ دیتے ہوئے دفتر خارجہ کے ترجمان Tahir Hussain Andrabi نے بتایا کہ وزیرِاعظم Shehbaz Sharif اس وقت نیو یارک میں موجود ہیں اور وہ Donald Trump کی دعوت پر امریکہ کے دورے پر ہیں۔ وزیرِاعظم غزہ بورڈ آف پیس کے اجلاس میں شرکت کریں گے اور اس دوران اہم امریکی حکام سے ملاقاتوں کا بھی امکان ہے۔ ترجمان کے مطابق نائب وزیرِاعظم و وزیرِخارجہ Ishaq Dar بھی نیو یارک میں موجود ہیں اور انہوں نے فلسطین کے مستقل نمائندے اور مصر کے وزیرِخارجہ سے ملاقات کی ہے۔ انہوں نے کہا کہ پاکستان صرف غزہ میں امن کے قیام کے لیے کردار ادا کرے گا۔ بورڈ آف پیس سے امیدیں وابستہ ہیں کہ اس کے ذریعے غزہ کی صورتحال میں بہتری آئے گی۔ تاہم پاکستان کسی بھی گروہ یا تنظیم کے خلاف کسی فیصلے کا حصہ نہیں بنے گا۔ ترجمان نے واضح کیا کہ نائب وزیرِاعظم نے دو ٹوک مؤقف اختیار کیا ہے کہ پاکستان امن عمل میں شریک ہوگا لیکن حماس کو ہتھیار ڈالنے پر مجبور کرنے کے کسی اقدام میں شامل نہیں ہوگا۔ انہوں نے امید ظاہر کی کہ غزہ بورڈ آف پیس وہاں کے عوام کی مشکلات میں کمی کا سبب بنے گا۔