عوامي پريس ڪلب ملير ۾ مستحق خاندانن ۾ راشن ورهايو ويو

78 views | 22nd Feb 2026 • سنڌي خبرون

عوامي پريس ڪلب ملير ويلفيئر آرگنائيزيشن پاران راشن ورهايو ويو

عوامي پريس ڪلب ملير ۾ مستحق خاندانن ۾ راشن ورهايو ويو

ملير(رپورٽ: عبدالرشيد مورجھريو) عوامي پريس ڪلب ملير ۾ سماجي تنظيم عوامي پريس ڪلب ملير ويلفيئر آرگنائيزيشن پاران علائقي جي غريب ۽ مستحق خاندانن ۾ راشن جا ٿيلها ورهايا ويا. تقريب دوران وڏي تعداد ۾ مستحق ماڻهن شرڪت ڪئي، جڏهن ته تنظيم جي عهديدارن پنهنجي هٿن سان راشن ورهايوان موقعي تي عوامي پريس ڪلب ملير جي صدر سيد سجاد علي شاهه، جنرل سيڪريٽري طارق جان سهتو، سامي ميمڻ ۽ عوامي پريس ڪلب ملير ويلفيئر آرگنائيزيشن جي صدر جمشيد زهراڻي، سيد عنايت علي شاهه ۽ اصغر ميمڻ سميت ٻين اڳواڻن شرڪت ڪئي ان موقعي تي اڳواڻن خطاب ڪندي چيو ته مهانگائي جي هن دور ۾ غريب ۽ مستحق خاندانن جي سهائتا ڪرڻ اسان جي سماجي ذميواري آهي. هنن چيو ته عوامي پريس ڪلب ملير ويلفيئر آرگنائيزيشن هميشه انسانيت جي خدمت کي اوليت ڏني آهي ۽ اڳتي به اهڙا فلاحي ڪم جاري رکيا ويندا هنن وڌيڪ چيو ته سماج جي صاحبِ حيثيت ماڻهن کي گهرجي ته هو به اڳتي اچي مستحق ماڻهن جي مدد ڪن ته جيئن گڏيل ڪوششن سان ضرورت مند خاندانن جي تڪليفن ۾ گهٽتائي آڻي سگهجي..