عمرڪوٽ جي گججي ڳوٺ ۾ هيلٿ، هائيجين ۽ صفائي آگاهي مهم

ڊسٽرڪٽ مينيجر سورج مل، سوشل موبلائزرز خديجه بلوچ ۽ حسين ڀٽي جي شرڪت

عمرڪوٽ (رپورٽ:ڪانجي مل رکيسر) اسپارڪ ٽيم عمرڪوٽ پاران صحت ۽ صفائي بابت آگاهي فراهم ڪرڻ لاءِ هڪ اثرائتي فيلڊ سرگرمي جو اهتمام ڪيو ويو، هن سرگرمي ۾ ڊسٽرڪٽ مينيجر سورج مل ۽ سوشل موبلائزرز خديجه بلوچ ۽ حسين ڀٽي ڀرپور شرڪت ڪئي، هي آگاهي سرگرمي گججي ڳوٺ ۾ ويٺل مزدورن لاءِ منعقد ڪئي وئي، جنهن جو مقصد ڪميونٽي ۾ صحت ۽ صفائي جي بنيادي اصولن بابت شعور اجاگر ڪرڻ هو، ان موقعي تي هيلٿ اينڊ هائيجين آگاهي سيشن پڻ منعقد ڪيو ويو، جنهن ۾ شرڪت ڪندڙن کي ذاتي صفائي، ماحول جي صفائي، صاف پاڻي جي استعمال ۽ مختلف بيمارين کان بچاءَ جي طريقن بابت آگاهي ڏني وئي، آگاهي سيشن سان گڏوگڏ علائقي ۾ صفائي مهم (ڪلِيننگ ڪيمپين) به هلائي وئي، ته جيئن عملي طور صفائي جي اهميت کي اجاگر ڪري سگهجي ۽ ماڻهن کي پنهنجي چوڌاري ماحول صاف رکڻ جي ترغيب ڏني وڃي، هن سرگرمي جا مثبت نتيجا سامهون آيا، شرڪت ڪندڙن ۾ صفائي جي اصولن بابت شعور ۾ اضافو ٿيو، صحتمند زندگي جي فائدن کي واضح ڪيو ويو ۽ ڪميونٽي جا ماڻهون مستقبل ۾ پنهنجي ذاتي ۽ ماحولياتي صفائي جو خاص خيال رکڻ لاءِ متحرڪ نظر آيا.