مورو جي ڳوٺ قتال شاهه ۾ نوجوان ناري جو گهر مان گولي لڳل لاش هٿ، وارثن پاران واقعو آپگهات قرار

مورو(جاني جماڻي ) مورو ويجھو ڳوٺ قتال شاھ ۾ گھرو پريشانين کان تنگ اچي شادي شده عورت مسمات خالده زال پوپٽ ابڙو ڪمري ۾ پاڻ کي بند ڪري پسٽل جو فائر ڪري خودڪشيءَ ڪري ڇڏي. جنھن جي اطلاع تي درس پوليس ايس ايڇ او امتياز کھاوڙ واقعي واري ھنڌ پھتي لاش کي کڻائي مورو اسپتال آندو جتي عورت جي لاش جون قانوني گھرجون پوريون ڪيون پيون وڃن. ان موقعي تي وارث پيءُ امير بخش ابڙو ٻڌايو تہ نياڻي گھرو پريشاني کان تنگ اچي خودڪشيءَ ڪئي آھي سندس اولاد نه ٿي رھيو ھو جنھن تي ھن اھڙو قدم کنيو آھي. جڏھن ته عورت کي مڙس پوپٽ ابڙو ٻڌايو ته گھر واريءَ کي اولاد نه ٿي رھيو ھو جنھن تي ھن پاڻ ڪمري اندر پاڻ کي بند ڪري خودڪشيءَ ڪئي آھي. ايس ايڇ او درس امتياز کھاوڙ جو چوڻ آھي ته واقعي جا تفصيل وٺي رھيا آھيون ته اھا خودڪشيءَ آھي يا قتل آھي شروعاتي رپورٽ وارثن طرفان خودڪشيءَ ظاھر ڪئي پئي وڃي.