راڻا جاگير ۾ آمريڪي وفد جو دورو، آمريڪي سفير نيٽلي بيڪر جي آمد، شاندار آجيان

پ پ اڳواڻ راڻا همير سنگهه سوڍا، ٺاڪُر راجوير سنگهه سوڍا، ايم اين اي شازيه مري ۽ ٻين آمريڪي سفير جي آجيان ڪئي

عمرڪوٽ (رپورٽ:ڪانجي مل رکيسر) آمريڪا جي هڪ اعليٰ سطحي وفد سميت آمريڪي سفير محترمه نيٽلي بيڪر راڻا جاگير، ضلعي عمرڪوٽ جو دورو ڪيو، جتي سندن شاندار ۽ پرجوش آجيان ڪئي وئي، ان موقعي تي سنڌ اسيمبلي جي ميمبر ۽ پاڪستان پيپلز پارٽي جي اڳواڻ راڻا همير سنگهه سوڍا، سنڌ جي وڏي وزير جا خصوصي معاون ٺاڪُر راجوير سنگهه سوڍا، ڪنور ڪرني سنگهه سوڍا، ٺاڪُر ڀوپال سنگهه سوڍا (يو ايس اي) ايم اين اي شازيه مري، چيئرمين ميونسپل ڪميٽي عمرڪوٽ حاجي سيف الله خالد سراج سومرو سميت ٻين معزز شخصيتن سفير ۽ وفد جو استقبال ڪيو، دوري دوران آمريڪي وفد علائقي جي سماجي، تعليمي ۽ ترقياتي حالتن بابت آگاهي حاصل ڪئي ۽ مقامي اڳواڻن سان ملاقاتون ڪيون، سفير نيٽلي بيڪر پاڪستان ۽ آمريڪا جي وچ ۾ لاڳاپن کي وڌيڪَ مضبوط ڪرڻ، تعليم، صحت ۽ ترقياتي منصوبن ۾ سهڪار وڌائڻ تي زور ڏنو، مقامي اڳواڻن وفد کي ضلعي عمرڪوٽ جي مسئلن، عوامي ضرورتن ۽ ترقياتي امڪانن بابت آگاهه ڪيو ۽ اميد ظاهر ڪئي ته آمريڪا مستقبل ۾ هتي وڌيڪَ سهڪار ڪندو، دوري جي آخر ۾ ٻنهي طرفن طرفان گڏيل تعاون، دوستاڻن لاڳاپن ۽ علائقي جي ترقي لاءِ گڏجي ڪم ڪرڻ جي عزم جو اظهار ڪيو ويو، ان موقعي تي پي اي راڻا ھمير سنگھ ڪنول موھن لال، ۽ انجنيئر ڪنهيا موھن لال پڻ موجود ھئا.