جنگشاهي ڪوهستان ۾ هيوي ٽريفڪ جو آزار، علائقي واسي سخت پريشان

ٺٽو( ڊ ر) ڳوٺاڻن روڊن تي هيوي مشينري جو راج جنگشاهي ڪوهستان 7/4 جي ڳوٺاڻن روڊ تي جنهن ۾ اسحاق کوھ ڀاڏ مڪان ساڏورو طرف ويندڙ مختلف رستن تي هيوي مشينري ڍيره ڄمائي ورتا جنهن ڪري حادثن ۾ ڏينهنون ڏينهن اضافو ڏسڻ وٽان ملي ٿو تازو هي بلاڪن سان ڀريل هڪ ٽرڪ ڪلٽي ٿي وئي، جنهن جي نتيجي ۾ خوف ۽ هراس پکڙجي ويو۔ ذريعن موجب ٽرڪ گهارو مان بلاڪ کڻي جنگشاهي کان لڳ ڀڳ پنج ڪلوميٽر پري اسحاق ڪوه ڏانهن وڃي رهي هئي ته اوچتو حادثي جو شڪار ٿي وئي۔ مقامي ماڻهن جو چوڻ آهي ته حادثو روڊن جي انتهائي خراب حالت سبب پيش آيو۔ ڳوٺاڻن موجب جنگشاهي ۽ ڪوهستان علائقن ۾ گذريل ڪيترن ئي ڏهاڪن کان بنيادي ۽ ترقياتي ڪم نه ٿيڻ ڪري روڊ مڪمل طور زبون حالي جو شڪار آهن، جڏهن ته انهن روڊن تي هيوي ٽرئفڪ جي مسلسل آمد رفت جاري آهي، جنهن سبب حادثا روز جو معمول بڻجي ويا آهن۔ آسپاس جي رهواسين وڌيڪ چيو ته علائقي ۾ روڊن سميت ٻين بنيادي سهولتن جي سخت کوٽ آهي، جنهن ڪري سندن زندگيون خطري ۾ پيل آهن۔ هنن خدشو ظاهر ڪيو ته جيڪڏهن جلد قدم نه کنيا ويا ته اهڙا حادثا وڌيڪ جاني نقصان جو سبب بڻجي سگهن ٿا۔ ڳوٺاڻن اختيارين کان مطالبو ڪيو آهي ته جنگشاهي ۽ ڪوهستان جي علائقن ۾ روڊن جي مرمت سميت بنيادي سهولتون فراهم ڪيون وڃن ته جيئن عوام ۾ وڌندڙ بيچيني ختم ٿي سگهي۔