ملير: گلشن حديد فلڪ ناز سوسائٽي ڀرسان نامعلوم گاڏي جي ٽڪر ۾ موٽر سائيڪل سوار فوت

181 views | 09th Apr 2026 • سنڌي خبرون

حادثي ۾ سلام پٽ انيس فوت، لاش جناح اسپتال منتقل، گاڏي ڊرائيور فرار ٿي ويو

ملير: گلشن حديد فلڪ ناز سوسائٽي ڀرسان نامعلوم گاڏي جي ٽڪر ۾ موٽر سائيڪل سوار فوت

ملير (رپورٽ: عبدالرشيد مورجھريو) گلشن حديد لڳ فلڪ ناز سوسائٽي ڀرسان نامعلوم تيز رفتار گاڏي موٽر سائيڪل کي ٽڪر هنئي، جنهن جي نتيجي ۾ موٽر سائيڪل سوار هڪ شخص موقعي تي ئي فوت ٿي ويو۔واقعي جي اطلاع ملڻ تي امدادي ٽيمون فوري طور موقعي تي پهتيون ۽ فوتي جي لاش کي ايمبولينس ذريعي جناح اسپتال منتقل ڪيو ويو۔فوتي جي سڃاڻپ سلام ولد انيس، عمر تقريبن 45 سال طور ڪئي وئي آهي۔ ذريعن موجب حادثو نامعلوم گاڏي جي ٽڪر سبب پيش آيو، جڏهن ته ڊرائيور حادثي کان پوءِ گاڏي سميت فرار ٿيڻ ۾ ڪامياب ٿي ويو۔پوليس واقعي واري هنڌ تان شاهديون گڏ ڪري وڌيڪ جاچ شروع ڪري ڇڏي آهي، جڏهن ته فوتي جي لاش ضروري ڪارروائي بعد وارثن حوالي ڪيو ويندو۔