ملير، صحافي جي موٽر سائيڪل چوري، قلم ڌڻين ۾ ڳڻتي، اسٽيل ٽائون ٿاڻي اڳيان ڌرڻي جو چتاءُ

ملير (رپورٽ: عبدالرشيد مورجھريو) گلشن حديد جي بدھ بازار واري علائقي مان نامعلوم چور ملير جي صحافي اعجاز شيخ جي نئين سي ڊي 70 موٽر سائيڪل نمبر KMT-7794 چوري ڪري فرار ٿي ويا، واقعي کانپوءِ صحافين ۾ ڳڻتي جي لهر ڇانئجي وئي آهي متاثر صحافي اعجاز شيخ موجب ڪجهه وقت اڳ به اسٽيل ٽائون ٿاڻي جي حدن اندر سندس پٽ ذوهيب شيخ کان هٿيارن جي زور تي موٽر سائيڪل ڦر ڪئي وئي هئي، جنهن جو ڪيس داخل هجڻ باوجود پوليس اڃا تائين موٽر سائيڪل برآمد ڪرائڻ ۾ ناڪام رهي آهي۔هن چيو ته هڪ ئي خاندان سان ٻيهر پيش آيل واردات علائقي ۾ وڌندڙ بدامني جو ثبوت آهي، جڏهن ته گلشن حديد، گھگھر ۽ اسٽيل ٽائون ۾ چوريون ۽ ڦرون عروج تي آهن ۽ اسٽيل ٽائون پوليس ڪارروائي ڪرڻ ۾ ناڪام نظر اچي رهي آهي۔واقعي کانپوءِ ملير جي صحافين قلم ڌڻين ۾ سخت ڳڻتي پکڙجي وئي آهي، جن مطالبو ڪيو آهي ته صحافين کي تحفظ فراهم ڪيو وڃي ۽ وڌندڙ ڏوهن کي روڪڻ لاءِ فوري قدم کنيا وڃن اعجاز شيخ خبردار ڪندي چيو ته جيڪڏهن سندس موٽر سائيڪل جلد برآمد نه ڪئي وئي ته ملير جي صحافين سان گڏجي اسٽيل ٽائون ٿاڻي اڳيان احتجاجي ڌرڻو ھنيو ويندو هن آءِ جي سنڌ، ايس ايس پي ملير ۽ ٻين لاڳاپيل اختيارين کان اپيل ڪئي ته معاملي جو نوٽيس وٺي جوابدارن کي گرفتار ڪري چوري ٿيل موٽر سائيڪل واپس ڪرائي وڃي ۽ علائقي ۾ امن امان بحال ڪيو وڃي..