ٽنڊو آدم جي ماڊل ٽائون ۾ بنگلي مان پنجاب واسي ٽيڪسي ڊرائيور جو لاش هٿ
فياض مسيح کي ڪار ڦٻائڻ لاءِ قتل ڪري لاش پورڻ جو انڪشاف
ٽنڊو آدم (حسنين عاشق ساند) ٽنڊوآدم جي سٽي ٿاڻي جي حد ماڊل ٽائون ۾ بنگلي مان ٻه مھينا پراڻو زمين ۾ پوريل لاش ھٿ، پنجاب ۽ ٽنڊو آدم جي پوليس گڏيل طور ڪاروائي ڪري زمين اندر پوريل لاش ھٿ ڪيو. فوتي جي سڃاڻپ لاھور واسي 30 ورھين جي فياض مسيحي طور ڪئي پئي وڃي. جيڪو لاھور جي رينٽ اي ڪار ڪمپني جو ملازم ۽ ڪرائي تي گاڏي ھلائيندو ھو، ٻه مھينا اڳ جوابدار شان امام پاران رينٽ تي بڪ ڪيل ھنڊا سوڪ ڪار تي ڊرائيونگ ڪري رھيو ھو ۽ ٽنڊوآدم پھچڻ بعد گاڏيءَ سميت گم ٿي ويو ھو پر ھڪ ھفتي بعد رينٽ اي ڪار جي مالڪن پاران ٽريڪر جي مدد سان گاڏي تہ ھٿ ڪئي وئي پر ڊرائيور ھٿ نه اچي سگھيو ھو جنھن جي گمشدگي جي رپورٽ لاھور جي ٿاڻي تي درج ڪرائي وئي ھئي، جنھن بعد پنجاب ۽ ٽنڊي آدم جي پوليس گڏيل طور ڪاروائي ڪري ٽنڊوآدم جي ماڊل ٽائون ۾ بنگلي اندر زمين ۾ پوريل لاش ھٿ ڪيو، اھڙي واقعي جوابدار جي سھري عابد رسول ھاشمي کي سٽي پوليس تحويل ۾ وٺي ڇڏيو پر سندس گرفتاريءَ کان لاتعلقي جو اظهار پئي ڪري، ذريعن وٽان شڪ ظاھر ڪيو پيو وڃي ته شايد بنگلي جي زمين اندر ظاھر ٿيل ھڪ لاش کان وڌيڪ لاش پوريل ھجن، ذريعن وٽان معلوم ٿيو آهي ته بنگلي اندر زمين ۾ پوريل لاش جي نشاندھي پنجاب پوليس ھٿان گرفتار ٿيل جوابدار شان امام نالي ھمراھہ ڪئي، ذريعن کان اھو بہ معلوم ٿيو آهي ته پنجاب پوليس گرفتار ٿيل جوابدار جي نشاندھي ڪرڻ کانپو۽ واقعي جو ڪيس پڻ داخل ڪيو ويو جنھن ۾ ٽنڊوآدم واسي گرفتار ٿيل عابد رسول ھاشمي جو نالو شامل ٿيل آھي.
0 تبصرے