گڏاپ پوليس پاران هڪ ڪروڙ کان وڌيڪ ماليت جي منشيات هٿ ڪرڻ جي دعويٰ

ڪارروائي دوران آئس سان گڏ هڪ ڪروڙ 20 لک رپين کان وڌيڪ روڪ رقم به هٿ ڪئي وئي

ملير (رپورٽ: عبدالرشيد مورجھريو) ملير ضلعي ۾ منشيات فروشن خلاف جاري ڪريڪ ڊائون دوران گڏاپ سٽي پوليس وڏي ڪارروائي ڪندي ڪروڙين رپين جي منشيات خريد ڪرڻ جو منصوبو ناڪام بڻائي ڇڏيو۔ايس ايس پي ملير ڊاڪٽر عبدالخالق موجب ايس ايڇ او گڏاپ سٽي پوليس ٽيم سان گڏ گڏاپ علائقي ۾ ٽارگيٽيڊ ڪارروائي ڪئي، جنهن دوران هڪ جوابدار کي گرفتار ڪيو ويوڪارروائي دوران جوابدار جي قبضي مان هڪ ڪلو کان وڌيڪ 1010 گرام آئس منشيات ۽ هڪ ڪروڙ ويهه لک رپين کان وڌيڪ روڪ رقم هٿ ڪئي وئي۔ پوليس موجب گرفتار جوابدار جي سڃاڻپ محمد سليم ولد علي نواز طور ٿي آهي۔ جاچ دوران جوابدار انڪشاف ڪيو ته هو وڏي مقدار ۾ منشيات خريد ڪري ڪراچي جي مختلف علائقن ۾ سپلائي ڪرڻ جو منصوبو رکي رهيو هو۔ايس ايس پي ملير موجب گرفتار جوابدار اڳ ۾ به ڪراچي شهر جي مختلف علائقن ۾ منشيات وڪرو ڪرڻ ۾ ملوث رهيو آهي، جڏهن ته سندس وڌيڪ ڪرمنل رڪارڊ پڻ چيڪ ڪيو پيو وڃي۔گڏاپ سٽي پوليس جوابدار خلاف قانون موجب ڪيس داخل ڪري وڌيڪ جاچ شروع ڪري ڇڏي آهي۔