ملير واسي پورهيت جو معصوم پٽ دماغي بيماري ۾ مبتلا

3ورهين جو وقار پيدائشي طور دماغي بيماري ۾ مبتلا آهي: گلزار ملاح

ملير (رپورٽ: عبدالرشيد مورجھريو) ميمڻ ڳوٺ بروهي محلا سان تعلق رکندڙ غريب پورهيت گلزار ملاح جو 3 ورهين جو معصوم پٽ واقار علي پيدائشي دماغي بيماري ۾ مبتلا آهي، جنهن جي حالت ڏينهون ڏينهن خراب ٿيندي پئي وڃي گلزار ملاح جيڪو روزاني محنت مزدوري ڪري پنهنجي گهر جو گذر سفر هلائي ٿو، غربت سبب پنهنجي ٻار جو مهانگو علاج ڪرائڻ کان قاصر بڻيل آهي ڊاڪٽرن موجب ٻار جي بهتر علاج لاءِ فوري ۽ قيمتي طبي سهولتن جي ضرورت آهي، جيڪا هن غريب پيءُ جي وس کان ٻاهر آهي ان سلسلي ۾ گلزار ملاح صحافين کي ٻڌايو ته مان سڄو ڏينهن محنت مزدوري ڪريان ٿو، پر ايترو ڪمائي نٿو سگهان جو پنهنجي پٽ جو علاج ڪرائي سگهان۔ منهنجو ٻار منهنجي اکين آڏو تڪليف ۾ آهي، پر مان بي وس بڻجي ويو آهيان۔ مون وٽ نه پيسا آهن نه ڪو سهارو، بس سرندي وارن کي اپيل آهي ته منهنجي مدد ڪن ته جيئن منهنجو معصوم پٽ بچي سگهي ھن سرندي وارن، سماجي تنظيمن ۽ سرڪاري ادارن کي اپيل ڪئي آهي ته سندس معصوم پٽ جي علاج لاءِ مالي مدد فراهم ڪئي وڃي ته جيئن ٻار جي زندگي بچائي سگهجي