مڪلي ۾ مليريا جي عالمي ڏھاڙي جي سلسلي ۾ جاڳرتا ريلي ڪڍي وئي

سول سرجن آفيس کان مين قومي شاھراھ تائين ڊي ايڇ او ڊاڪٽر صفدر شاھ اميرخاني جي اڳواڻي ۾ ريلي ڪڍي وئي

ٺٽو(ڊر) مليريا جي عالمي ڏيھاڙي جي سلسلي ۾ سول اسپتال مڪلي ۾ صحت کاتي ۽ مليريا کاتي پاران ھڪ جاڳرتا ريلي سول سرجن آفيس کان مين قومي شاھراھ تائين ڊي ايڇ او ڊاڪٽر صفدر شاھ اميرخاني، سول سرجن ٺٽو ڊاڪٽر سيد يامين شاھ،، ڊاڪٽر اڪاش عباسي، ڊاڪٽر دائود ھيلايو، ڊاڪٽر آمنہ ميمڻ، طارق سلام، ڊاڪٽر بخت شاھ، ڊاڪٽر محمود، طارق عزيز بروھي، بابو ھدايت الله فاضلاني جي اڳواڻي ۾ ڪڍي ويئي، جنهن ۾ ڊاڪٽرن، پيرا ميڊيڪل اسٽاف، نرسنگ اسڪول جي شاگردياڻين ۽ شهرين وڏي انگ ۾ شرڪت ڪئي. جاڳرتا ريلي کي خطاب ڪندي ڊي ايڇ او ڊاڪٽر صفدر شاھ ۽ ٻين چيو ته مليريا هڪ خطرناڪ بيماري آهي، جيڪا مڇرن جي ذريعي پکڙجي ٿي تنهن ڪري صفائي جو ھر ماڻھون کي خاص خيال رکي بيٺل پاڻي کي ختم ڪري مڇر داني استعمال ڪرڻ انتهائي ضروري آهي۔ جيئن ماڻھون مڇرن جي ازار توڙي مليريا بيماري کان بچي سگھي. ھنن چيو ته ضلعي صحت ۽ مليريا کاتو عوام ۾ شعور پيدا ڪرڻ لاءِ اهڙي مھم جاري رکندو پيو اچي، جيئن عوام ان مان فائدو حاصل ڪري سگھي، ھنن والدين ۽ شھرين تي زور ڏنو ته ھو پنھنجي ٻارڙن ۽ وڏڙن کي مڇرن کان بچائڻ لاءِ احتياط ڪن ۽ ڪنهن به بخار جي صورت ۾ فوري طور ويجهي صحت مرڪز سان رابطو ڪن، جيئن سندن جلد بھتر علاج ٿي سگھي. ريلي جي آخر ۾ مليريا جي خاتمي لاءِ گڏيل ڪوششن جي عزم جو اظهار پڻ ڪيو ويو، ريلي کي ڊاڪٽر بخت شاھ، ڊاڪٽر محمود، طارق سلام، طارق عزيز بروھي، ڊاڪٽر آڪاش عباسي، ڊاڪٽر امنہ ميمڻ، ڊاڪٽر سيد يامين شاھ، ڊاڪٽر دائود ھيلايو ۽ ٻين پڻ خطاب ڪيو.