ملير ۾ ناري جو امڙ سان گڏ مڙس جي مبينا زيادتين خلاف احتجاج، تحفظ جي اپيل

فاروق شيخ سان لڳ ڀڳ 18 سال اڳ شادي ٿي هئي 6 ٻارڙن جو اولاد آهي: ريشمان شيخ

ملير (عبدالرشيد مورجھريو) در محمد ڳوٺ جي رهواسڻ ناري ريشمان پنهنجي ماءُ سان گڏ عوامي پريس ڪلب ملير پهچي مڙس جي مبينا ظلم ۽ زيادتين خلاف احتجاج ڪيو ۽ اختيارين کان فوري تحفظ جي گهر ڪئي ريشمان صحافين سان ڳالهائيندي ٻڌايو ته سندس شادي فاروق شيخ سان لڳ ڀڳ 18 سال اڳ ٿي هئي ۽ انهن کي 6 ٻار آهن هن الزام هنيو ته شادي جي شروعاتي سالن کان وٺي مڙس پاران ذهني ۽ جسماني تشدد ڪيو پيو وڃي جيڪو وقت سان گڏ وڌندو رهيو آهي سندس چوڻ موجب مڙس کيس مبينا طور تي بدترين تشدد جو نشانو بڻائي ٿو گهر ۾ غير مرد آڻي بيحرمتي ڪري ٿو ۽ کيس زبردستي پنڻ تي مجبور ڪري ٿو متاثرہ عورت چيو ته ڄاڻايل ظلمن کان تنگ ٿي هو پنهنجي ماءُ سان گڏ رهي ٿي ۽ هن ڪيترائي ڀيرا مسئلو حل ڪرائڻ جي ڪوشش ڪئي پر ڪاميابي حاصل نه ٿي هن چيو ته کيس ۽ سندس ٻارن کي جان جو خطرو آهي ڇاڪاڻ ته روزانو گهر تي حملو ڪري ٿو مونکي منهنجي ٻارن ۽ ماءُ کي تشدد ڪري ٿو تنهن ڪري حڪومت ۽ لاڳاپيل ادارا اسان کي تحفظ فراهم ڪن ريشمان مطالبو ڪيو ته ملير انتظاميا، سنڌ پوليس ۽ انساني حقن جون تنظيمون فوري طور تي نوٽيس وٺي کيس قانوني تحفظ ۽ انصاف فراهم ڪن هن چيو ته جيڪڏهن کيس تحفظ نه ڏنو ويو ته سندس ۽ سندس ٻارن جي زندگين کي سنگين خطرا لاحق ٿي سگهن ٿا.