ھمايون شريف ويجهو پورھيتن جي گهرن کي باهه وڪوڙي ورتو، الهه تلهه سڙي رک

شڪارپور (احسان ابڙو )شڪارپور جي ھمايون شريف لڳ پورھيت عبدالحليم مگسي جي گھرن کي اوچتو باھ لڳي وئي الگ تلھ سڙي رک ٿي ويو ھمايون شريف ٿاڻي جي حد ۾ ڳوٺ الھ آباد سڌايو جي ڀرسان مگسي برادري جي پنجن گھرن کي باھ لڳي وئي متاثرن عبدالحليم مگسي ۽ ٻين ميڊيا سان ڳالهائيندي چيو ته اسان غريب ماڻھون آھيون باھ ۾ گھرن جو سمورو سامان سڙي رک ٿي ويو آھي ھنن جو چوڻ ھيو تہ گھرن ۾ ٿانون سميت مال مويشي رڊون، ٻڪريون به سڙي مري ويون آھن اناج ھنڌ بسترا به سڙي وڃڻ باوجود انتظاميا ڪا واھر ناھين ڪئي متاثرن وڌيڪ ڳالهائيندي مطالبو ڪندي چيو ته تڪ جا نمائندا ايم اين اي ۽ ايم پي اي ڊپٽي ڪمشنر شڪارپور شڪيل احمد ابڙو کي نوٽيس وٺي رليف ڏياريو وڃي ھنن پاران وس وارن کانبہ مدد جي اپيل ڪئي وئي آهي ھوڏانھن سنڌ چانڊيا ويلفيئر ايسوسيئيشن ( سچوا ) جي مرڪزي سي سي ميمبر مير اصغر خان چانڊيو پاران باھ متاثرن وٽ پھچي سھائتا جو يقين ڏياريو ويو ھن پاران به تڪ جي نمائندن ، ڊي سي شڪارپور کان نوٽيس وٺڻ جي گھر ڪئي وئي