قومي عوامي تحريڪ ڪراچي پاران ملير ۾ تربيتي ورڪشاپ، مختلف موضوعن تي ليڪچر

ورڪشاپ دوران “8 مارچ عورتن جو عالمي ڏينهن ۽ عورتن جا حق” جي موضوع تي فرحان لاڙڪ ليڪچر ڏنو

ملير (رپورٽ: عبدالرشيد مورجھريو) قومي عوامي تحريڪ ڪراچي پاران ضلعي ملير جي ميزباني هيٺ هڪ ڏينهن جو تربيتي ورڪشاپ منعقد ڪيو ويو، جنهن ۾ پارٽي جي اڳواڻن مختلف اهم موضوعن تي تفصيلي ليڪچر ڏنا۔ورڪشاپ دوران “8 مارچ عورتن جو عالمي ڏينهن ۽ عورتن جا حق” جي موضوع تي فرحان لاڙڪ ليڪچر ڏنو، جڏهن ته “ملير سميت سموري سنڌ جي زمينن تي والار ڪيئن ڪئي وئي” جي عنوان هيٺ اشفاق چنڙ شرڪت ڪندڙن کي تاريخي ۽ موجوده صورتحال بابت آگاهي ڏني۔ان موقعي تي “سياست ڇو ضروري آهي ۽ پورهيت طبقن کي ڪهڙي سياست ڪرڻ گهرجي؟” جي موضوع تي منان شيخ خطاب ڪيو، جڏهن ته “سوشل ميڊيا جو مثبت استعمال، ان جا فائدا ۽ نقصان” بابت ڪاشف خاصخيلي تفصيلي ليڪچر ڏنو۔ساڳئي طرح “مزدورن جا قانوني حق ۽ ٽريڊ يونين” جي موضوع تي غلام مرتضيٰ تنولي مزدورن جي حقن، قانوني تحفظ ۽ تنظيم سازي جي اهميت بابت شرڪت ڪندڙن کي ڄاڻ ڏني۔تربيتي ورڪشاپ ضلعي آرگنائيزر جنسار هيسباڻي ۽ سيڪريٽري سينگار بليدي جي اڳواڻي ۾ منعقد ڪيو ويو، جنهن ۾ پارٽي ڪارڪنن وڏي انگ ۾ شرڪت ڪئي۔ ليڪچرن کان پوءِ سوال جواب جو سلسلو پڻ جاري رهيو، جتي شرڪت ڪندڙن مختلف معاملن بابت سوال پڇي پنهنجي ڄاڻ ۾ اضافو ڪيو۔