عمرڪوٽ ۾ ڍاٽ جي راڻا پ پ ايم پي اي راڻا ھمير سنگھ سوڍو جي سالگرھ ملهائي وئي

راڻا ھائوس تي مک تقريب منعقد ڪري ڪيڪ ڪاٽيو ويو، سياسي سماجي ڌرين ۽ وڪيلن جي به شرڪت

عمرڪوٽ(رپورٽ:ڪانجي مل رکيسر)ڍاٽ جي راڻا پ پ ايم پي اي راڻا ھمير سنگھ سوڍو جي 69 ھين سالگرھ جي موقعي تي راڻا ھائوس عمرڪوٽ تي مک تقريب منعقد ڪري ڪيڪ ڪاٽي سالگرھ ملھائي ويئي، سياسي سماجي حلقن، وڪيلن، استادن، واپارين مختلف برادرين جي معززين جي وڏي انگ ۾ شرڪت، لوڪ فنڪاره مائي ڍائي سرن جي ورکا ڪندي تقريب جي رونق وڌائي ڇڏي، نوجوانن طرفان ڊانڊيا ڊانس ڪندي جُمھريون. خبر موجب ڍاٽ جي راڻا پ پ ايم پي اي راڻا ھمير سنگھ سوڍو جي 69 ھين سالگرھ جي موقعي تي مک تقريب راڻا ھائوس عمرڪوٽ تي ڪوٺائي ويئي تقريب ۾ راڻا ھمير سنگھ سوڍو جي چاھيندڙ طرفان ڪيڪ ڪاٽي سالگرھ جون خوشيون ملھايون ويون جنھن ۾ عمرڪوٽ جي سياسي سماجي حلقن، وڪيلن، استادن، واپارين سميت شھر جي مختلف برادرين جي آيل معززين مھراج چيتن جوشي، ڪنول موھن لال رتناڻي، گوتم سنگراسي، ڪنيا موھن لال رتناڻي، وڪيل ڀورا لال ڀيل، ابراھيم بجير، مشتاق رند، بنسي مالھي، مکي سروپ مالھي، ڌرمداس نرڀاڻي، عالمگير ٻلال، چترو مل پرمار، وڪيل ڪيلاش ڪولھي، اتم سنگراسي، ڦرسو مل مالھي، ڪامريڊ يوسف نھڙي، عبدالله کوسو، ڪرشن بجير، عيدل ڪنڀر، سنتوش ڪمار ڪالاڻي، مشتاق راٺوڙ، پامسٽ ڀڳوانداس جٽيه، شنڪر لال جٽيه، وجيش رائيسنگاڻي سميت ٻين شريڪ ٿي سالگرھ جو ڪيڪ ڪاٽيو ويو ۽ تقريب دوران راڻا همير سنگهه سوڍو جي سياسي، سماجي ۽ فلاحي خدمتن تي کيس لفظي ڀيٽا پيش ڪئي ويئي تقريب کي خطاب ڪندي اڳواڻن چيو ته راڻا همير سنگهه سوڍو هميشه پنهنجي علائقي جي ترقي، عوامي مسئلن جي حل ۽ اقليتي برادري جي حقن لاءِ اهم ڪردار ادا ڪيو آهي راڻا ھمير سنگھ سوڍو جون ٿرپارڪر ۽ عمرڪوٽ ضلعي جي عوام لاء تمام گھڻيون خدمتون آھن ۽ پاڻ ھميشه بنا ڪنھن فرق جي ھر ماڻھو جي مسئلي کي حل ڪرائڻ لاء ڪوششون ورتيون آھن سنڌ حڪومت کان ٿرپارڪر ۽ عمرڪوٽ جي ماڻھن جي بنيادي مسئلن کي حل ڪرائڻ توڙي ترقياتي ڪمن، تعليم، صحت لاء جون سھولتون فراھم ڪرڻ لاء ڪردار ادا ڪيو آھي جيڪو انتھائي ساراھ جوڳو عمل آھي تقريب ۾ مقامي اڳواڻن، سماجي شخصيتن ۽ ڪارڪنن وڏي انگ ۾ شرڪت ڪري راڻا همير سنگهه سوڍو سان يڪجهتي جو اظهار ڪيو ته سندس قيادت ۾ علائقي جي ترقي ۽ خوشحالي لاءِ گڏجي ڪم ڪندا سندس سياسي جدوجهد ۽ عوام سان ويجهڙائپ سبب هو عوام جي دلين ۾ خاص مقام رکي ٿو کيس مبارڪون پيش ڪندي اڳواڻن مالڪ کان پراٿنا ڪئي ته کيس ڊگهي ڄمار ڏي ۽ هو اڳتي به علائقي جي ترقي ۽ عوام جي خدمت لاءِ پنهنجو ڪردار ادا ڪندو رهي سالگرھ تقريب ۾ سنڌ نامياري لوڪ فنڪارا مائي ڍائي طرفان پڻ سُرن جي ورکا ڪري تقريب کي چار چنڊ لڳائي ڇڏيا ۽ نوجوانن طرفان ڊانڊيا ڊانس ڪري جمھريون ھنيون ويون