نوشهروفيروز۾ ملين سمائلس فائونڊيشن پاران افطار پارٽي جو اهتمام

سماجي تنظيم پاران پبلڪ پارڪ ۾ علائقي جي سوين ماڻهن کي افطار ڪرايو ويو

نوشهروفيروز.(ڊر)ملين سمائلس فائونڊيشن پاڪستان پاران نوشهروفيروز جي پبلڪ پارڪ م هڪ وڏي افطار پارٽي جو اهتمام ڪيو ويو جنهن ۾ علائقي جي سوين غريبن کي افطار ڪرائي ويئي ان موقعي تي فائونڊيشن جي آرگنائيزر ميڊم زويا لاڙڪ سماجي اڳواڻ اعجاز ممنائي۔ تنزيلا ميمڻ رباب تنيو زين علي ۽ ٻين چيو ته ملين سمائيلس فائونڊيشن سڄي پاڪستان ۾ بيواه عورتن يتيم ٻارڙن ۽ غريب طبقي جي فلاح وبهبود لاء ڪم ڪري رهي آهي جنهن ۾ ڪپڙن جي ورهاست، راشن جي ورهاست مختلف علائقن ۾ تعليم جي حصول لاء لائبريرين جو قيام ۽ ڪتابن جي ورهاست شامل آهي۔ اڳواڻن چيو ته ملين سمائلس فائونڊيشن ڏورانهن علائقن ۾ رهندڙ سڀ کان وڌيڪ مستحق خاندانن تائين پهچي انهن جي وس آهر مدد ڪري ٿي، رمضان المبارڪ جي حوالي سان سڄي ملڪ جيان اڄ نوشهروفيروز ۾ افطار پارٽي جو اهتمام ڪيو ويو آهي اڳواڻن چيو ته اسان عيدالفطر به انهن غريب ۽ مستحق ماڻهن سان گذاري انهن جي خوشين ۾ اضافو ڪنداسين اسانجي ڪوشش رڳو غمگين ماڻهن ۾ خوشيون ورهائڻ آهي،ڇوته اسان وٽ انسانيت سڀ کان اول آهي اڳواڻن قوم کي اپيل ڪئي ته هن مشن ۾ اسان سان شامل ٿيو. پنهنجي مسڪراهٽ شيئر ڪريو ۽ هڪ ملين ۾ تبديل ڪرڻ ۾ اسان جو ساٿ ڏيو.