ٺٽو: غلام الله وٽ روڊ ۾ مبينا ناقص مٽيريل استعمال

ميرپورساڪرو ويندڙ روڊ مبينا ناقص مٽيريل اسبب مختلف هنڌن تان اکڙي ويو

ٺٽو(ڊر) غلام الله کان ميرپور ساڪرو ويندڙ روڊ ناقص مٽيريل استعمال ٿيڻ سبب شديد متاثر ٿي ويو آهي، جنهن ڪري روڊ ڪيترن هنڌن تان اکڙي ويو آهي. هن صورتحال مان روڊس کاتي ۽ ٺيڪيدار وچ ۾ مبينه ملي ڀڳت ۽ ڪرپشن ظاهر ٿي رهي آهي.سومار هوٽل اسٽاپ ڀرسان روڊ جي هڪ پاسي ٻيهر مرمت لاءِ وڏا کڏا کوٽيا ويا آهن، جيڪي مسافرن ۽ ڊرائيورن لاءِ وڏي خطري جو سبب بڻجي سگهن ٿا. ڪنهن به وقت هتي خطرناڪ حادثا پيش اچي سگهن ٿا.ڊرائيورن کي هدايت ڪئي وڃي ٿي ته ساڪرو کان غلام الله روڊ تي سفر دوران انتهائي احتياط ڪن ۽ رفتار گهٽ رکن.ان حوالي سان مقامي رهواسين صوبائي وزير جيل خانا حاجي علي حسن زرداري ۽ ڊي سي ٺٽو کان مطالبو ڪيو آهي ته فوري طور روڊ تي سيفٽي جا نشان لڳايا وڃن ناقص مٽيريل جي استعمال جو نوٽيس وٺي جاچ ڪئي وڃي ذميوارن خلاف قانوني ڪارروائي ڪئي وڃي رهواسين جو چوڻ آهي ته جيڪڏهن بروقت قدم نه کنيا ويا ته ڪو وڏو حادثو پيش اچي سگهي ٿو.