گهارو ٽائون ڪميٽي جو چيئرمين احسان جوکيو ڳوٺ يار محمد خاصخيلي پهتو

ٽائون چيئرمين احسان جوکيو باهه متاثر ڳوٺانن سان ملاقات ڪئي ۽ سڙيل گهرن جونبه معائنو ڪيو

ٺٽو(شفيق ڀٽي) پ پ پ اڳواڻ، ٽائون ڪميٽي گھارو جي چيئرمين ڄام احسان جوکيو پاران سيد حبدار شاھ قدوساڻي سان گڏ پوليس گردي جو شڪار بڻيل ٻوھارا ويجھو ڳوٺ یار محمد خاصخیلي ۾ پھچي متاثر ڳوٺاڻن سان ملاقات ڪري ساڻن پوليس پاران ڪيل ناانصافين جون دانھون بڌي ساڻن ھمدردي جو اظھار ڪري انھن ۾ ھنڌ، بسترا، ٿانو ۽ راشن تقسيم ڪندي پ پ پ اڳواڻ، ٽائون ڪميٽي گھارو جي چيئرمين ڄام احسان جوکيو چيو تہ پوليس پاران ڳوٺاڻن سان ٿيل زيادتي ناقابل برداشت عمل اھي، جنھن جي جيتري مذمت ڪجي اھا گھٽ آھي، ھن ڳوٺاڻن کي يقين ڏياريون تہ ملوث پولیس آفيسرن خلاف سخت قدم کنيا ويندا، ھن چيو تہ ان سلسلي ۾ صوبائي وزیر حاجي علي حسن زرداري ۽ آء جي سنڌ جاوید عالم اوڍو کي پڻ مقامي رھواسين سان ٿيل پوليس گردي جي اگاھي ڏني ويئي آھي، جن پڻ خاطري ڪرائي اھي تہ متاثر ڳوٺاڻن سان انصاف ڪرايو ويندو. پ پ پ اڳواڻ، ٽائون ڪميٽي گھارو جي چيئرمين ڄام احسان جوکيو متاثر ڳوٺاڻن کي اھا بہ يقين دھاني ڪرائي تہ ھي معاملو پ پ پ جي اعلي قيادت اڏو بہ رکيو ويندو، جيئن متاثر ڳوٺاڻن کي مڪمل انصاف فراھم ڪرائي ٿيل ناانصافين جي ازالي سان گڏ ٿيل نقصان جو پڻ ازالو ڪرائي سگھجي. ھن چيو تہ پ پ پ ھر حال ۾ مظلوم عوام سان ڪلھو ڪلھي ۾ ملائي گڏ بيٺل اھي. ان عوام کي ڪڏھن بہ اڪيلو ناھي ڇڏيو ۽ نہ ئي ڇڏيندي. ان موقعي تي متاثر ڳوٺاڻن ڄام احسان جوکيو جو وٽن اچڻ ۽ کين اٿت ڏيڻ تي سندس شڪريو ادا ڪيو.