عمرڪوٽ پوليس پاران چوري ۽ ڦر ڪيس ۾ 3جوابدار گرفتار ڪرڻ جي دعويٰ

ڪارروائي دوران 3 جوابدارن کي گرفتار ڪري سندن وٽان موبائل فون ۽ 6 موٽرسائيڪلون هٿ ڪيون: پوليس

عمرڪوٽ (رپورٽ:ڪانجي مل رکيسر) ڊي ايس پي اظهر علي سمون ۽ ايس ايچ او نور محمد نوحاڻي ايس ايس پي آفيس عمرڪوٽ ۾ پريس ڪانفرنس ڪندي چوري ۽ ڦر جي هڪ ڪيس ۾ اهم اڳڀرائي بابت آگاهي ڏني، هنن ٻڌايو ته پوليس ڪامياب ڪارروائي ڪندي ٽن مبينا جوابدارن کي گرفتار ڪري سندن قبضي مان هڪ ريڊمي موبائل فون ۽ مختلف ماڊلن جون 6 موٽرسائيڪلون برآمد ڪري ورتيون آهن، پريس ڪانفرنس دوران ٻڌايو ويو ته فريادي محراب پٽ سليمان راڄڙ جي فرياد تي نامعلوم جوابدارن خلاف ايف آءِ آر نمبر 65/2026 قلم 34 ۽ 392 پي پي سي تحت ڪيس داخل ڪيو ويو هو، جاچ دوران پوليس سهراب پٽ گلڻ مري، محمد اسلم پٽ احمد مري ۽ صدام پٽ محمد بخش عرف اميد علي ڪپري کي گرفتار ڪيو، ڊي ايس پي اظهر علي سمون موجب گرفتار جوابدارن جي نشاندهي تي مختلف هنڌن تي ڇاپا هڻي چوري ٿيل سامان برآمد ڪيو ويو، جنهن ۾ هڪ ريڊمي موبائل فون سميت 6 موٽرسائيڪلون شامل آهن، برآمد ٿيل موٽرسائيڪلن ۾ سي ڊي 70، سپر اسٽار، سي ڊي 70 پي ايس ماڊل ۽ هونڊا 125 شامل آهن، پوليس پاران جاري ڪيل تفصيلن موجب برآمد ٿيل موٽرسائيڪلن جي چيچس ۽ انجڻ نمبرن ۾ سي ڊي 70 (چيچس نمبر J-656044، انجڻ نمبر 29251311)، سپر اسٽار (چيچس نمبر CC950681، انجڻ نمبر C025613)، سي ڊي 70 (چيچس نمبر CB-750178، انجڻ نمبر 9990984)، سي ڊي 70 (چيچس نمبر JF-931689، انجڻ نمبر V-006385) شامل آهن، جڏهن ته سي ڊي 70 پي ايس ماڊل جا مڪمل تفصيل رڪارڊ جو حصو ڄاڻايا ويا آهن، اهڙي ريت هونڊا 125 جو چيچس نمبر ED-237530 ۽ انجڻ نمبر Z-550701 آهي، پريس ڪانفرنس دوران پوليس اختيارين چيو ته گرفتار جوابدارن کان وڌيڪَ پڇا ڳاڇا جاري آهي ۽ ان ڳالهه جو به جائزو ورتو پيو وڃي ته برآمد ٿيل موٽرسائيڪلون ٻين وارداتن ۾ به استعمال ٿيون آهن يا نه، هنن چيو ته جوابدارن خلاف وڌيڪَ قانوني ڪارروائي جاري آهي، جڏهن ته ڪيس جي ٻين پهلوئن بابت به جاچ جو عمل هلي رهيو آهي.