عمرڪوٽ ۾ روحل واءِ واسي پورهيت جو گهرڀاتين سميت احتجاجي مظاهرو

ننهن نصيران ڌيءَ وانگر آهي، ان ۽ ان جي مڙس پاران بدسلوڪي ۽ ڌمڪين وارن الزامن کي رد ڪريان ٿو

عمرڪوٽ (ڊ، ر) عمرڪوٽ جي علائقي روحل واء جي رهواسي شهمير بجير پريس ڪلب عمرڪوٽ پهچي صحافين سان ڳالهائيندي پنهنجي مٿان لڳايل الزامن کي رد ڪندي چيو آهي ته مٿس لڳايل سمورا الزام بي بنياد ۽ ڪوڙ تي ٻڌل آهن، جن جو حقيقت سان ڪو به تعلق ناهي، شهمير بجير چيو ته هن پنهنجي پٽ جمشير بجير سان ذاتي معاملن ۽ غلط صحبت سبب 10 نومبر 2025 تي لاتعلقي ڪئي هئي، هن چيو ته نصيران بجير کي هو پنهنجي ڌيءَ وانگر سمجهي ٿو، پر مٿس ڪوڙا الزام لڳائي کيس ۽ سندس خاندان جي ساک کي نقصان پهچائڻ جي ڪوشش ڪئي پئي وڃي، هن چيو ته نصيران بجير ۽ سندس مڙس جمشير بجير پاران مٿس مبينا طور بدسلوڪي، ڌمڪين ۽ ٻين الزامن بابت ڳالهيون ڪيون ويون آهن، جن کي هو مڪمل طور رد ڪري ٿو، شهمير بجير جو چوڻ هو ته هنن الزامن ۾ ڪا به سچائي ناهي، هن وڌيڪَ الزام لڳايو ته نصيران جي والدہ ڪريمان سندس پٽ کي ڀڙڪائي ڪوڙا بيان ڏياري رهي آهي ۽ مٿن دٻاءُ وجهڻ جي ڪوشش ڪئي پئي وڃي، ھن چيو تہ نصيران جي والده ڪريمان پاران سمورو ڊرامو رچائي مبينه طور ڏھ لک رپين جي ڊيمانڊ ڪئي وئي آھي، شهمير بجير ايس ايس پي عمرڪوٽ سهائي عزيز ٽالپر کان مطالبو ڪيو ته معاملي جي شفاف ۽ غيرجانبدار جاچ ڪرائي حقيقتون سامهون آنديون وڃن ۽ کيس انصاف فراهم ڪيو وڃي، هن چيو ته هو ڪنهن به قانوني جاچ لاءِ تيار آهي ۽ چاهي ٿو ته اصل حقيقتون سامهون اچن ته جيئن غلط فهميون ختم ٿي سگهن، واضح رهي ته ھن کان اڳ نصيران بجير ۽ سندس مڙس جمشير بجير شهمير بجير خلاف الزام لڳائيندي اختيارين کان انصاف جو مطالبو ڪيو هو، جن الزامن کي شهمير بجير رد ڪندي بي بنياد قرار ڏنو آهي.