نوشهروفيروز ۾ شهيد راڻي بينظير ڀٽو جي سالگرهه ملهائي و ئي

پ پ پاران قرآن خواني ڪرائي وئي، سرهل هائوس تي تقريب به منعقد

نوشھروفيروز (ڊ ر) شهيد راڻي محترمه بينظير ڀٽو جي 73هين سالگرهه جي موقعي تي قرآن خواني ۽ فاتحه خواني, پاڪستان پيپلز پارٽي ضلع نوشھروفيروز پاران سرهل هائوس تي شهيد راڻي محترمه بينظير ڀٽو جي 73هين سالگرهه جي موقعي تي محرم الحرام جي احترام کي نظر ۾ رکندي قرآن خواني ۽ فاتحه خواني جو پروگرام منعقد ڪيو ويو۔ ان موقعي تي پاڪستان پيپلز پارٽي ضلع نوشھروفيروز جي صدر ۽ چيئرمين ضلعي ڪائونسل جناب سهيل اختر عباسي، جنرل سيڪريٽري مسرور احمد راڄپر، اڳوڻي صوبائي ايڊوائيزر مولابخش مبيجو، خالد مسعود چنه ۽ ٻين خطاب ڪندي چيو ته شهيد راڻي محترمه بينظير ڀٽو پاڪستان جي عوام لاءِ پنهنجي جان جي قرباني ڏني ۽ جمهوريت، عوامي حقن ۽ ملڪ جي ترقي لاءِ تاريخي جدوجهد ڪئي۔ مقررین چيو ته محرم الحرام جي باعث تقريب کي سادگي ۽ اختصار سان منعقد ڪيو ويو، جڏهن ته پاڪستان پيپلز پارٽي آصف علي زرداري، بلاول ڀٽو زرداري، آصفه ڀٽو، فريال ٽالپر ۽ ضياءُ الحسن لنجار جي قيادت ۾ عوامي حقن جي جدوجهد جاري رکندي۔ تقريب ۾ احمد نواز ڀن، دوست علي سولنگي، غلام الرسول ڀرٽ، سيد عاقل شاهه، سيد غلام مرتضيٰ شاهه، ڊاڪٽر ڪاشف ميمڻ، عبدالوحيد عباسي، محمد ياسين چانڊيو، پير رڪن الدين قريشي، لالا توفيق چانڊيو، اڪبر مورو، ڊاڪٽر نور مورو، نوح پنھور، بُڍل ملڪ، قاضي فيض محمد سميت پيپلز پارٽي ضلع نوشھروفيروز جا ذميوار اڳواڻ، تعلقا صدور، بلدياتي ادارن جا نمائندا، چونڊيل عوامي نمائندا ۽ سياسي سماجي شخصيتن وڏي انگ ۾ شرڪت ڪئي۔ قرآن خواني ۽ فاتحه خواني کان پوءِ شرڪت ڪندڙن شهيد محترمه بينظير ڀٽو کي ڀرپور خراجِ عقيدت پيش ڪيو ۽ سندن مشن سان تجديدِ عهد وفا جو اظهار ڪيو۔