گلگت بلتستان: پیپلز پارٹی، ن لیگ اور آئی پی پی کا اتحاد، اسپیکر اور ڈپٹی اسپیکر بلا مقابلہ منتخب

گلگت (ویب ڈیسک) گلگت بلتستان اسمبلی میں Pakistan Peoples Party، Pakistan Muslim League (N) اور Istehkam-e-Pakistan Party کے درمیان اتحاد قائم ہو گیا ہے، جبکہ تینوں جماعتوں کی حمایت سے اسپیکر اور ڈپٹی اسپیکر بلا مقابلہ منتخب ہو گئے ہیں۔ گلگت بلتستان اسمبلی کے اسپیکر Nazir Ahmad کے مطابق پیپلز پارٹی کے عمران ندیم بلا مقابلہ نئے اسپیکر منتخب ہو گئے، جبکہ ن لیگ کے کفایت الرحمان ایڈووکیٹ بلا مقابلہ ڈپٹی اسپیکر منتخب ہوئے ہیں۔ Majlis Wahdat-e-Muslimeen اور Pakistan Tehreek-e-Insaf کی حمایت یافتہ امیدواروں نے اسپیکر اور ڈپٹی اسپیکر کے انتخابی عمل میں حصہ نہیں لیا۔ سابق اسپیکر نذیر احمد نے نو منتخب اسپیکر عمران ندیم سے عہدے کا حلف لیا، جبکہ حلف برداری کے بعد انہوں نے اپنی نشست نئے اسپیکر کے حوالے کر دی۔ ذرائع کے مطابق گلگت بلتستان کے وزیر اعلیٰ کا انتخاب بھی بلا مقابلہ ہونے کا امکان ہے۔ یاد رہے کہ ن لیگ کے بعد استحکام پاکستان پارٹی نے بھی گلگت بلتستان میں حکومت سازی کے لیے پیپلز پارٹی کی حمایت کا فیصلہ کیا تھا۔ اس سے قبل پیپلز پارٹی کے چیئرمین Bilawal Bhutto Zardari نے آئی پی پی کے صدر Abdul Aleem Khan سے ٹیلیفونک رابطہ کر کے گلگت بلتستان میں مشترکہ حکومت بنانے کی دعوت دی تھی۔ استحکام پاکستان پارٹی کے مطابق عبدالعلیم خان نے بلاول بھٹو زرداری کی پیشکش قبول کر لی ہے۔ عبدالعلیم خان کا کہنا ہے کہ بلاول بھٹو زرداری کے ساتھ خوشگوار اور مثبت گفتگو ہوئی ہے، گلگت بلتستان میں وزیر اعلیٰ اور اسپیکر کے انتخاب میں مکمل تعاون کریں گے اور ان عہدوں سمیت دیگر اہم مناصب پر امیدواروں کو بھاری اکثریت سے کامیاب کرائیں گے۔