عمرڪوٽ ۾ شهيد بينظير ڀٽو جي 73هين سالگرهه سادگي سان ملهائي وئي

شهيد راڻي بينظير ڀٽو ملڪ جي غريب عوام ۽ جمهوريت لاءِ جان قربان ڪئي: اڳواڻ

عمرڪوٽ (رپورٽ:ڪانجي مل رکيسر) پاڪستان پيپلز پارٽي ضلع عمرڪوٽ طرفان دخترِ مشرق ۽ قائدِ جمهوريت شهيد محترمه بينظير ڀٽو صاحبه جي 73هين سالگرهه جي تقريب محرم الحرام جي احترام کي نظر ۾ رکندي وڏي سادگي سان پيپلز سيڪريٽريٽ برهان الدين ڪنڀر هائوس وهرو شريف، عمرڪوٽ ۾ منعقد ڪئي وئي، تقريب دوران شهيد محترمه بينظير ڀٽو صاحبه جي ايصالِ ثواب لاءِ قرآن خواني ڪرائي وئي، جڏهن ته سندس مغفرت ۽ بلند درجات لاءِ خاص دعا پڻ گهري وئي ان موقعي تي خيرات جو اهتمام پڻ ڪيو ويو، سالگرهه تقريب ۾ پاڪستان پيپلز پارٽي ضلع، تعلقه، سٽي ۽ يوسي عهديدارن سميت ذيلي ونگن جي عهديدارن ۽ بلدياتي نمائندن وڏي انگ ۾ شرڪت ڪئي، ان موقعي تي سينيئر نائب صدر برهان الدين ڪنڀر ۽ جنرل سيڪريٽري صوفي نواز سومرو سميت پارٽي اڳواڻن ۽ ڪارڪنن شهيد محترمه بينظير ڀٽو صاحبه کي خراجِ عقيدت پيش ڪيو، تقريب ۾ پيپلزپارٽي انفارميشن سيڪريٽري ضلع عمرڪوٽ ڊاڪٽر گھنشام داس راٺوڙ، عبدالله کوسو، ڪانجي مل، فقير نواز، فقير شوڪت، فقير عارف، رسول بخش گشڪوري، عبدالڪريم گشڪور، ڏاتر بخش سينهڙو، مدن، تلڇو، ھيرا لعل اوڏ، گلزار سمون، واحد سمون، راجا رامچند مالھي، راءِ چند ڀيل، ٽيڪم مالھي، منٺار آريسر، مشتاق راھمون، چيتن ڪولھي جيوت اوڏ سميت ٻين عهديدارن ڪارڪنن وڏي انگ ۾ شرڪت ڪئي.