نواز شاهه ڀاڏائي پاران پ پ اڳواڻ ربڏنو جت جي پونئرن سان تعزيت

جيئي سنڌ محاذ جي وائيس چيئرمين نواز شاهه ڀاڏائي پاران پ پ اڳواڻ جي قتل جي مذمت

سجاول (رپورٽر) جيئي سنڌ محاذ جي وائيس چيئرمين سيد نواز شاهه ڀاڏائي ڪجھ ڏينھن پھريان قاتلاڻي حملي ۾ قتل ٿي ويل پ پ اڳواڻ ربڏني جت جي وارثن سان تعزيت ڪئي جنھن بعد پنهنجي بيان ۾ نواز شاهه ڀاڏائي چيو ته سنڌ بدامني جي باھ ۾ سڙي پئي جتي حڪومتي ڌر جا ماڻھو محفوظ ناھن اتي عام شھرين جو ڪھڙو حشر ھوندو مليل معلومات مطابق مقتول ربڏني جت کي ٽارگيٽ ڪري ماريو ويو آھي جنھن سان علائقي ۾ امن تباھ ٿيندو برادري تڪرار تيز ٿيندو آئون مطالبو ٿو ڪريان تـ ربڏني جت جا قاتل توڙي سندن پٺڀرائي ڪندڙ فورن گرفتار ڪيا وڃن عوام کي انصاف مھيا نـ ڪندڙ سجاول جي نااھل ايس ايس پي علينا راجپر کي فورن معطل ڪري ربڏني جت جي قتل جي عدالتي جاچ ڪرائي وڃي ان موقعي تي پارٽي اڳواڻ نعمان شورو رحيم بخش جمالي امجد شاهه فريد کٽي مرتضي خاصخيلي ۽ ٻيا ساڻس گڏ ھئا