گڏاپ جي 42 ڳوٺن لاءِ منظور ٿيل بلڪ واٽر سپلاءِ اسڪيم مان پاڻي چوري، علائقي واسين جو سخت احتجاج

ملير (رپورٽ: عبدالرشيد مورجھريو)گڏاپ ۽ ان جي ڀر پاسن وارن علائقن جي 42 ڳوٺن کي پاڻي فراهم ڪندڙ اهم "بلڪ واٽر سپلاءِ اسڪيم" جي مين لائن مان غير قانوني ڪنيڪشن ۽ پاڻي چوري جو وڏو انڪشاف ٿيو آهي جنهن سبب گذريل ٻن مهينن کان علائقي جا هزارين رهواسي سخت پريشان آهن علائقي جي سماجي اڳواڻن ظفر حميد جي اڳواڻي اطلاع تي پهچي صورتحال کان آگاهه ڪندي ٻڌايو ويو آهي ته هن پاڻي جي مين لائن مان غير قانوني طور تي 3، 3 انچن جا ٻه ڪنيڪشن مجموعي طور 6 انچ قطر جو پاڻي چوري ڪيو پئي ويو. هي پاڻي روڊ ڪراس ڪرائي بورنگ ذريعي هڪ خانگي فارم هائوس ۽ چيڪو جي باغن ڏانهن منتقل ڪيو پئي ويو، جتي جانورن جي گاهه ۽ ڊيري فارمنگ لاءِ سرعام پاڻي استعمال ٿي رهيو آهي رهواسين جا اهم مطالبو ڪندي چيو اهي ته هو گذريل ٻن مهينن کان پاڻي نه ملڻ ڪري سخت پريشان هئا ۽ اڄ کين معلوم ٿيو آهي ته کين حصي جو پاڻي ڪٿي چوري ٿي رهيو هو موقعي تي چوڪيدار پڻ موجود هجڻ جي باوجود اها چوري جاري هئي، جنهن تي علائقي واسين سخت ڪاوڙ جو اظهار ڪيورهواسين پبلڪ هيلٿ منسٽر ۽ لاڳاپيل اعليٰ اختيارين کان مطالبو ڪيو آهي ته پاڻي چوري ڪندڙن ۽ ان ۾ ملوث ماڻهن خلاف فوري طور تي ايف آئي آر داخل ڪئي وڃي گڏيل جدوجهد جو سڏ: هنن چيو ته هي ڪنهن هڪ شخص جو مسئلو ناهي، پر گڏاپ جي سڀني رهواسين کي گڏجي هن پاڻي چوري خلاف آواز اٿارڻو پوندو ته جيئن غير قانوني ڪنيڪشن ختم ڪرائي سگهجن علائقي واسين آخر ۾ انتظاميا تي سخت تنقيد ڪندي چيو ته جيڪڏهن اسان هاڻي به پنهنجي حقن لاءِ نه جاڳنداسين ته پوءِ ڪڏهن جاڳنداسين؟ هنن وس وارن کان فوري طور تي انڪوائري ۽ ڪارروائي جي اپيل ڪئي آهي.