نوشهروفيروز ڀرسان نينگري سان مبينا زيادتي جي ڪوشش خلاف احتجاج
ڳوٺ لعل بخش لنڊ واسين پاران نينگري سان مبينا زيادتي جي ڪوشش ڪندڙ جوابدار جي گرفتاري لاءِ احتجاج
نوشهروفيروز(ڊ ر)نوشهروفيروز جي ڳوٺ لعل بخش لنڊ واسي لاشاري برادري جي ماڻهن جو 8 ورهين نينگري پوپري لاشاري سان زيادتيء جي ڪوشش ڪندڙ جوابدار اعجاز چانڊيو پاران موت مار ڌمڪيون ڏيڻ خلاف پريس ڪلب اڳيان احتجاج ڪيو ان موقعي تي ميڊيا اڳيان دانهيندي نينگريءَ جي پيءُ مير محمد لاشاري چيو ته ٽي ڏينهن اڳ رات وقت منهنجي معصوم ڌيءَ پوپري پنهنجي ڀيڻ کان ڀاڄي وٺڻ لاءِ وئي ته جوابدار اعجاز چانڊيو کيس ڪلهي تي کڻي ويراني ۾ وٺي وڃي زيادتي ڪرڻ جي ڪوشش ڪئي هن چيو ته نياڻي جي رڙين تي پاڙي وارا ۽ مان پهتا سين ته جوابدار فرار ٿي ويو جنھن بعد اسان نوشهروفيروز ٿاڻي تي ايف آءِ آر داخل ڪرائي آهي جوابدار عدالت مان ضمانت ڪرائي هاڻي پاڻ ۽ سندس مائٽ رستم چانڊيو، ساجن، دلبر عرف دلو چانڊيو وارا ڪيس تان هٿ کڻڻ لاءِ دٻاءُ وجهي رهيا آهن ۽ راڄوڻي لاءِ تنگ پيا ڪن هنن وڌيڪ چيو ته اسان راڄوڻي ڪنهن به صورت ۾ نه ڪنداسين اسان جو فيصلو عدالت سڳوري جي مٿان ڇڏيل آهي اميد ته انصاف ملندو هنن سيشن جج نوشهروفيروز سميت ٻين وس وارن کي اپيل ڪئي آهي ته جوابدار جي ضمانت رد ڪري نياڻي سان زيادتي جي ڪوشش ڪندڙ ۽ ڌمڪيون ڏيندڙن خلاف قدم کنيو وڃي
0 تبصرے