ملير: گلشن حديد واسي پورهيت ڀائرن ۽ ڀاڄائي خلاف پريس ڪلب پهچي ويو

ڀاڄائي سعيده ۽ ڀاء آصف منھنجي ڌيءَ ۽ گھرواري جون جعلي تصويرون کڻي سوشل ميڊيا تي غلط پوسٽون رکي رھيا آھن: شمس الدين سومرو

ملير(رپورٽ: عبدالرشيد مورجھريو) گلشن حديد جي رهواسي پورهيت شمس الدين سومرو عوامي پريس ڪلب ملير ۾ پريس ڪانفرنس ڪندي پنهنجي ڀائرن آصف سومرو، صدام سومرو ۽ ڀاڄائي سعيده سومرو کان مڪمل لاتعلقي جو اعلان ڪري ڇڏيو آھي پريس ڪانفرنس دوران شمس الدين سومرو چيو ته هو ملڪ کان ٻاهر مزدوري ڪري پنهنجي ڪٽنب جو پيٽ پالي رهيو آهي، جڏهن ته سندس ٻارڙا ۽ والدين گلشن حديد ۾ ڪرائي جي گهر ۾ رهائش پذير آهن۔ هن الزام هنيو ته سندس ڀائر آصف سومرو، صدام سومرو ۽ ڀاڄائي سعيده سومرو روزانو سندس گهر اچي جهيڙا ۽ تڪرار ڪن ٿا، جن کي ڪيترائي ڀيرا منع ڪرڻ باوجود به هو نٿا مڙن هن وڌيڪ چيو ته تازو ڀاڄائي سعيد سومرو ڀاء آصف سومرو منھنجي نياڻي ۽ گھرواري جون جعلي تصويرون کڻي سوشل ميڊيا تي غلط پوسٽون رکي رھيا آھن جنھن جا ثبوت پڻ وٽس موجود آهن هن چيو ته ان عمل سبب کيس سخت ذهني اذيت پهتي آهي، تنهنڪري هو اڄ کان پنهنجي ڀائرن آصف سومرو صدام سومرو ۽ سندن فيملي کان مڪمل لاتعلقي جو اعلان ڪري ٿو شمس الدين سومرو چيو ته اڄ کان پوءِ سندس فيملي ٻچڙن ۽ والد قمرالدين سومرو جو ڄاڻايل ماڻهن سان ڪو به واسطو يا تعلق نه هوندو هن خبردار ڪيو ته جيڪڏهن مستقبل ۾ کيس يا سندس فيملي کي ڪو به نقصان پهتو ته ان جا ذميوار ڄاڻايل ماڻھون هوندا آخر ۾ هن اعليٰ اختيارين کان مطالبو ڪيو ته سندس بيان کي رڪارڊ تي رکيو وڃي ۽ سندس فيملي خلاف سوشل ميڊيا تي هلندڙ پروپيگنڊا جو نوٽيس وٺي ملوث ماڻهن خلاف قانوني ڪارروائي ڪئي وڃي