عمرڪوٽ ۾ مخدوم شاهه محمود قريشي جي آزادي لاءِ ريلي ڪڍي وئي
اڳوڻي ايم اين اي لال مالهي, خانصاب اڪبر پلي, وڪيل ڀڳوانداس ڀيل, اڳوڻي ايم پي اي عبدالرزاق راهمون ۽ ٻين جي اڳواڻي ۾ ريلي ڪڍي وئي
عمرڪوٽ(رپورٽ:ڪانجي مل رکيسر) عمرڪوٽ پاڪستان تحريڪ انصاف جي وائيس چيئرمين ۽ غوثيه جماعت جي روحاني پيشوا مخدوم شاهه محمود قريشي جي قيد ۾ 1000 ڏينهن مڪمل ٿيڻ تي اظهارِ همدردي ۽ يڪجهتي طور عمرڪوٽ ۾ ريلي ڪڍي وئي جنھن ۾ غوثيه جماعت جي مريدن، پي ٽي آءِ ڪارڪنن اڳوڻي ايم اين اي لال مالهي, خانصاب اڪبر پلي, وڪيل ڀڳوانداس ڀيل, اڳوڻي ايم پي اي عبدالرزاق راهمون, وڪيل لجپت راء سوراڻي، امان الله سمون سميت شهرين وڏي انگ ۾ شرڪت ڪئي ريلي تين تلوار چوڪ کان پريس ڪلب عمرڪوٽ پهتي ريلي ۾ شريڪ شهرين هٿن ۾ بينر ۽ پلي ڪارڊ کڻي مخدوم شاهه محمود قريشي جي آزادي لاءِ نعريبازي ڪئي ان موقعي تي خطاب ڪندي اڳواڻن چيو ته مخدوم شاهه محمود حسين قريشي کي سياسي انتقام جو نشانو بڻايو پيو وڃي ۽ ڪوڙا هٿ ٺوڪيا ڪيس لڳائي بنا جواز ڊگهي عرصي کان قيد ۾ رکيو ويو آهي جنهن جي مذمت ڪجي ٿي قيد ۾ 1000 ڏينهن گذرڻ باوجود انصاف نه ملڻ افسوسناڪ عمل آهي سياسي ڪارڪنن ۽ عوام جي آواز کي دٻائڻ سان جمهوريت مضبوط نه پر ڪمزور ٿيندي ھنن چيو ته سياسي اختلافن کي انتقامي ڪارروائين ۾ تبديل ڪرڻ ملڪ ۽ جمهوريت جي حق ۾ بهتر ناهي مخدوم شاهه محمود قريشي جي لکين چاهندڙن ۾ بيچني پيکڙيل آهي مخدوم شاهه محمود قريشي تي داخل ڪيل سمورا ڪيس فورن ختم ڪري فوري طور آزاد ڪيو وڃي ٻي صورت ۾ احتجاجي تحريڪ هلائي ويندي
0 تبصرے