ملير: گلشن حديد ۾ ناليواري عالمِ دين مولانا اڪرم سعدي جي جنازي نماز ادا

مفتي منيب الرحمان امامت ڪرائي، تدفين ديار حبيب مسجد جي اڱڻ ۾ ڪئي وئي

ملير (رپورٽ: عبدالرشيد مورجھريو) ناليواري عالمِ دين، خطيب مولانا اڪرم سعدي جي جنازي نماز گلشن حديد ۾ قائم ديار حبيب مسجد ۾ ادا ڪئي وئي جنازي نماز جي امامت نامور عالمِ دين مفتي منيب الرحمان ڪرائي جنازي نماز ۾ ملڪ جي مختلف علائقن مان آيل عالمنِ سياسي، سماجي مذهبي ۽ علمي اڳواڻن، شاگردن، عقيدتمندن ۽ علائقي واسين وڏي تعداد ۾ شرڪت ڪئي ان موقعي تي مرحوم جي ديني، علمي ۽ اصلاحي خدمتن کي ساراهيندي سندس لاءِ مغفرت ۽ بلند درجن جي دعا گهري وئي جنازي نماز کان پوءِ مرحوم مولانا اڪرم سعدي جي تدفين ديار حبيب مسجد جي اڱڻ ۾ ڪئي وئي، جتي سوين ماڻهن مٽيءَ ماءُ حوالي ڪري کيس آخري الوداع چيو. تدفين دوران ماحول سوڳوار رهيو ۽ شرڪت ڪندڙن مرحوم جي خاندان سان تعزيت ۽ همدردي جو اظهار ڪندي دعا ڪئي ته الله تعاليٰ مرحوم کي جنت الفردوس ۾ اعليٰ مقام عطا فرمائي