وڏي وزير جي خاص معاون راجوير سنگھھ سوڍا جي ڊاڪٽر آڪاش جي وارثن سان تعزيت

110 views | 15th Jul 2026 • سنڌي خبرون

وڏي وزير جي خاص معاون راجوير سنگھھ سوڍا جي ڊاڪٽر آڪاش جي وارثن سان تعزيت

ڪراچي /عمرڪوٽ(رپورٽ ڪانجي مل رکيسر) سنڌ جي وڏي وزير جي انساني حقن بابت خاص معاون راجوير سنگهه سوڍا ڪراچي ۾ ڪجهه ڏينهن اڳ ڏينهن ڦر دوران قتل ٿيل نوجوان ڊاڪٽر آڪاش ڪمار جي گهر پهچي وارثن سان تعزيت ۽ افسوس جو اظهار ڪيو.ان موقعي تي ساڻس گڏ پوليس آفيسر ڪنور سنگهه ۽ چندن مالھي، صوبائي ڪوآرڊينيٽر نيشنل ڪميشن فار هيومن رائيٽس (NCHR) پڻ موجود هئا. راجوير سنگهه سوڍا صاحب مرحوم جي وارثن سان ملاقات ڪندي هن افسوسناڪ واقعي تي گھري ڏک ۽ افسوس جو اظهار ڪيو ۽ مرحوم جي مغفرت ۽ بلند درجن لاءِ دعا گهري. هن سوڳوار خاندان کي يقين ڏياريو ته هن ڏکئي وقت ۾ هو انهن سان گڏ بيٺل آهن ۽ هر ممڪن سهڪار فراهم ڪيو ويندو.