ابراهيم حيدري ۾ سنڌ گورنمينٽ اسپتال جي نئين عمارت جو بنياد رکيو ويو

ايم اين اي سيد آغا رفيع الله، ايم پي اي محمود عالم ڄاموٽ ۽ فشرمين ڪوآپريٽو سوسائٽي جي چيئرپرسن فاطمه مجيد پيڙھھ جو پٿر رکيو

ملير (رپورٽ: عبدالرشيد مورجھريو) قومي اسيمبلي ميمبر سيد آغا رفيع الله، صوبائي اسيمبلي ميمبر محمود عالم ڄاموٽ ۽ فشرمين ڪوآپريٽو سوسائٽي جي چيئرپرسن فاطمه مجيد، ابراهيم حيدري سنڌ گورنمينٽ اسپتال جي نئين عمارت جي اڏاوتي رٿا جو باقاعده بنياد رکي ڇڏيو تقريب کان پوءِ چونڊيل نمائندن اسپتال ۾ جاري ترقياتي ڪم جو تفصيلي جائزو ورتو ۽ لاڳاپيل عملدارن کان منصوبي جي اڏسوتيب رفتار، معيار ۽ مقرر وقت اندر مڪمل ڪرڻ بابت بريفنگ حاصل ڪئي. ان موقعي تي عملدارن کي هدايت ڪئي وئي ته رٿا کي اعليٰ اڏاوتي معيار موجب ۽ مقرر مدي اندر مڪمل ڪيو وڃي، جيئن عوام کي جلد کان جلد صحت جون بهتر سهولتون فراهم ڪري سگهجن تقريب کي خطاب ڪندي اڳواڻن چيو ته اسپتال جي نئين عمارت مڪمل ٿيڻ سان ابراهيم حيدري، ضلعي ملير ۽ ڀرپاسي جي علائقن جي هزارين رهواسين کي جديد، معياري ۽ بهتر طبي سهولتون ميسر اينديون، جنهن سان علائقي جي صحت جي نظام ۾ نمايان سڌارو ايندو. هنن وڌيڪ چيو ته عوام جي بنيادي ضرورتن کي پورو ڪرڻ ۽ صحت سميت ٻين شعبن ۾ ترقياتي منصوبن تي تيزي سان ڪم جاري آهي. تقريب دوران پاڪستان پيپلز پارٽي جي عوامي خدمت ۽ علائقي ۾ جاري ترقياتي منصوبن جو پڻ ذڪر ڪيو ويو