مظھر ماڊل اسڪول ڪراچي ڪيمپس ۾ استادن جو ٽيون تربيتي سيشن

معياري تعليم جي فروغ لاءِ "حسي سکيا جا طريقا جي عنوان هيٺ ٽيون تربيتي سيشن ڪاميابي سان منعقد ڪيو ويو

ملير (رپورٽ: عبدالرشيد مورجھريو)مظھر ماڊل اسڪول، ڪراچي ڪيمپس ۾ استادن جي پيشه ورانه صلاحيتن ۾ واڌ ۽ معياري تعليم جي فروغ لاءِ "حسي سکيا جا طريقا جي عنوان هيٺ ٽيون تربيتي سيشن ڪاميابي سان منعقد ڪيو ويو تربيتي سيشن اسڪول جي پرنسپال افضل قربان ميمڻ ۽ ايڊمنسٽريٽر صفدر قربان ميمڻ جي نگراني هيٺ منعقد ٿيو، جڏهن ته تربيت جا فرض تعليمي ماهر سائين محمود احمد سرانجام ڏنا سيشن دوران استادن کي جديد تدريسي طريقن، ٻارن جي نفسياتي ۽ ذهني ضرورتن ۽ سکيا جي مختلف اندازن بابت تفصيلي بريفنگ ڏني وئي. ٽرينر سائين محمود احمد خطاب ڪندي چيو ته هر ٻار سکڻ جو پنهنجو منفرد انداز رکي ٿو، جنهن ۾ بصري سمعي ۽ عملي طريقا شامل آهن. هن چيو ته جيڪڏهن استاد شاگردن جي انفرادي ضرورتن کي نظر ۾ رکي تدريس ڪن ته تعليمي معيار ۾ نمايان بهتري آڻي سگهجي ٿي. تربيتي سيشن دوران استادن گروپ مباحثن، عملي سرگرمين ۽ تدريسي مشقن ۾ ڀرپور حصو ورتو ۽ جديد سکيا جي طريقن کي ڪلاس روم ۾ مؤثر نموني لاڳو ڪرڻ بابت عملي تربيت حاصل ڪئي ان موقعي تي پرنسپال افضل قربان ميمڻ چيو ته مظھر ماڊل اسڪول جو مقصد صرف نصابي تعليم تائين محدود ناهي، پر اهڙا استاد تيار ڪرڻ آهي جيڪي هر ٻار جي صلاحيتن کي اجاگر ڪري، سندن علمي، اخلاقي ۽ تخليقي واڌ ويجهه ۾ اهم ڪردار ادا ڪن ايڊمنسٽريٽر صفدر قربان ميمڻ چيو ته استادن جي مسلسل تربيت معياري تعليم جي بنيادي ضرورت آهي، تنهن ڪري اسڪول انتظاميا مستقبل ۾ به اهڙن تربيتي پروگرامن جو سلسلو جاري رکندي.