محرابپور: سهتا ۽ آرائين ڌرين ۾ معمولي ڳالهه تان تڪرار، هڪ نينگر قتل، ٻيو زخمي

134 views | 28th Jul 2023 • سنڌي خبرون

آرائين ڌر جي هٿياربندن جي فائرنگ ۾ نينگر سجاد سهتو قتل، ٻيو نينگر زخمي ٿي پيو

محرابپور (رپورٽر) محرابپور جي بلاول ڪالوني واسي سهتا ۽ آرائين برادري جي ڌرين ۾ معمولي ڳالھ تان تڪرار تيز، فائرنگ ۾ هڪ نينگر قتل، ٻيو سخت زخمي، مقتول جي وارثن جو چوڻ آهي ته آرائين ڌر جي هٿياربندن حملو ڪري 10 ورهين جي نينگر سجاد پٽ اعجاز سهتو کي گولي هڻي قتل ڪري ڇڏيو، فائرنگ جي نتيجي ۾ ٻيو نينگر محمد علي سهتو پڻ گولي لڳڻ سبب سخت زخمي ٿي پيو مقتول ۽ زخمي نينگر کي اسپتال منتقل ڪيو ويو، جتان زخمي نينگر کي ابتدائي طبي امداد ڏني وئي، مقتول نينگر جو لاش پوسٽ مارٽم بعد سندس وارثن حوالي ڪيو ويو، مقتول جي وارثن پاران ٿاڻي اڳيان لاش رکي ڌرڻو هڻڻ بعد لاش کڻي نيشنل هاء وي تي ڌرڻو هنيو ويو، ٻي پاسي جوابدار ڌر گهر خالي ڪري فرار ٿي وئي