نوابشاهه ۾ نوجوان پوليس هٿان مبينا قتل، وارثن ۽ ايس ٽي پي اڳواڻن جو لاش رکي ڌرڻو

127 views | 02nd Aug 2023 • سنڌي خبرون

عطا محمد ڪيريو کي پوليس قتل ڪري ڪوڙو ڊرامو رچائي رهي آهي: نثار ڪيريو/ رفيق ملاح

نوابشاهه(ڊ ر) نوابشاهه هٿان مبينا قتل ٿيل نوجوان جي وارثن ۽ ايس ٽي پي اڳواڻن پاران ايس پي چوڪ تي لاش رکي ڇهن ڪلاڪن تائين ڌرڻو هنيو ويو، ترقي پسند پارٽي جي ضلعي صدر نثار ڪيريو رفيق ملاح جي اڳواڻي ۾ مقتول جي ڀاء عطر ڪيريو سميت ڌرڻو هنيو ويو، نثار ڪيريو، رفيق ملاح ۽ ٻين چيو ته جيستائين بي سيڪشن ٿاڻي جي ايس ايڇ او ديدار سولنگي تي ايف آئي آر داخل نه ڪئي ويندي تيستائين ڌرڻو جاري رهندو، نوجوان عطا محمد ڪيريو ھاري مزدور آھي پنھنجي معصوم ٻارڙن جي پڙھائي لاءِ ڪتاب وٺڻ ويو ھو پر پوليس کيس قتل ڪري ڊرامو رچائي چيو ته عطا محمد ڪيريو پنهنجي چورن ساٿين جي فائرنگ ۾ مارجي ويو آهي، ڌرڻي جي ڇهن ڪلاڪن بعد ڊي ايس پي علي بخش جمالي ڌرڻي واري هنڌ پهچي مظاهرين سان ڳالهيون ڪري جوابدارن جي گرفتاري جي خاطري تي ڌرڻو ختم ڪرائي ڇڏيو