سجاول ۾ آل روينيو ڪلارڪس ۽ آل پاڪستان ڪلارڪ ايسوسيئيشنز پاران احتجاج

يوسف ميربحر،راجيش مھيشوري، ڪاشف ميمڻ ۽ ٻين جي اڳواڻي ۾ احتجاج ڪيو ويو

سجاول(گلشيرميربحر )آل روينيو ڪلارڪ ايسوسيئيشن ۽ آل پاڪستان ڪلارڪ ايسوسيئيشن ضلعي سجاول پاران گريڊ ھڪ کان چار تائين جي ملازمن جي ڀرتين ۾ ميريٽ جي لتاڙ ۽ سياسي لسٽ جاري ٿيڻ خلاف ڊي سي آفيس سجاول جي اڳيان ھٿن ۾ ڪاريون پٽيون ٻڌي احتجاجي مظاهرو ڪيو ويو خبر موجب: آل روينيو ڪلارڪ ايسوسيئيشن ۽ آل پاڪستان ڪلارڪ ايسوسيئيشن ضلعي سجاول پاران گريڊ ھڪ کان چار تائين جي ملازمن جي ڀرتين ۾ ميريٽ جي لتاڙ ۽ سياسي لسٽ جاري ٿيڻ خلاف ڊي سي آفيس سجاول جي اڳيان ھٿن ۾ ڪاريون پٽيون ٻڌي ڀرپور احتجاج ڪيو ويو ان موقعي آل روينيو ڪلارڪ ايسوسيئيشن جي صدر يوسف ميربحر،راجيش مھيشوري، ڪاشف ميمڻ آپڪا اڳواڻ بچل لغاري،عبدالعزيز ٻاگل،واحد سوز ملاح،مجيب ڪنڀار، ۽ ٻين جو چوڻ ھو ته گذريل ڪيترن ئي سالن کان ھر کاتي پاران ضلعي جي نوجوانن کان بار بار اپلائي ڪرايو ويو آھي ۽ انٽرويو پڻ ورتا ويا آھن پر انھن کي نوڪري ڏيڻ بدران ٻين کي لسٽ ۾ شامل ڪيو ويو آھي جن نه ھي انٽرويو ڏنا آھن نه وري انھن ڪاغذ جمع ڪرايا آھن اھو انھن غريبن سان سراسر ناانصافي آهي انھن وڌيڪ چيو آهي ته ميريٽ لسٽ سيڪريٽ رکڻ ھڪ غلط عمل آھي ميريٽ لسٽ ظاھر ٿيڻ گھرجي ته ۽ حقدار اميدوارن کي پنھنجو حق ملڻ گهرجي ۽ پڙھيل لکيل نوجوان بيروزگاريءَ کان بچي سگھن انھن وزير اعلي سنڌ اعلي اختيارين کان مطالبو ڪيو آهي ته سياسي بنياد تي جاري ٿيل لسٽ کي ڪينسل ڪري انٽرويو ڏيندڙ حقدارن کي حق ڏنو وڃي ٻي صورت ۾ احتجاج جو دائرو وڌايو ويندو،